Аргентина терма жамоасини ЖЧ-2014 финалига олиб чиққан мураббий вафот этди

Аргентина миллий терма жамоаси собиқ бош мураббийи Алехандро Сабелья 66 ёшида вафот этди. Аргентина термаси Сабелья қўл остида ЖЧ-2014 финалига чиққанди. Бироқ ўшанда жамоа Германияга мағлуб бўлганди. Мураббийнинг аҳволи ички инфекцияга қарши антибиотиклар қабул қилиши ортидан ёмонлашган. Шифокорлар унга дилататсион кардиомиопатия касаллигининг иккинчи босқичи ташхисини қўйганди.

Сабелья мураббий сифатида Аргентина терма жамоаси ва “Эстудиантес” клубларида фаолият олиб борган. Футболчи сифатида эса “Лидс”, “Шеффилд Юнайтед”, “Эстудиантес” ҳамда “Ривер Плейт”да ўйнаган.