АҚШ февралда Жанубий Кореяга қарши ўйнайди

Бу ҳақида fussballportal.de сайти маълумот тарқатди. Манбада таъкидланишича, Жаҳон Чемпионатига тайёргарлик кўриш йўлида кўпроқ ўртоқлик учрашувларида майдонга тушишни мўлжаллаётган Америкаликлар учун бу ўйин анча аҳамиятли бўлади.

- Ҳа, биз февральда чиндан ҳам Жанубий Корея билан ўйнаймиз. Менимча, Жаҳон Чемпионати иштирокчисига қарши ўтадиган баҳс анчагина фойдали бўлади, - деди АҚШ терма жамоаси бош мураббийи Юрген Клинсманн.

Айтиш лозимки, бу икки жамоа аввал ҳам тўқнаш келган бўлиб, ўша учрашувда 1-1 ҳисоби қайд этилган эди. Ўшанда жамоалар 2002 йилги ЖЧ доирасида тўқнаш келишган эди. Бу галги матч эса 1 февраль куни Лос-Анжелес яқинида бўлиб ўтиши режалштирилган.