Latest news

13:40Мақсад U-23 Осиё кубогини ютишми ёки Олимпиадага чиқиш?   0 13:20Кичик Пеледан Марадона Жуниоргача: яшил майдонда омади чопмаган фарзандлар  0 12:55Ҳиндистон терма жамоаси CAFA мусобақасида Малайзия ўрнини эгаллайди  3 12:37Футбол фахрийси Гурам Дараселия вафот этди  2 12:32"Металлург" – сокинлик бағридаги юбилей  2 12:03Расман: "Бунёдкор" легионер ҳужумчи трансферини эълон қилди  2 11:45Муҳаммадали Усмонов: "Андижон" мухлисларининг бундай илиқ кутиб олиши бошқача қувонч ва хурсандчилик бағишлади"  1 11:22"Бу рассомни Ван Гог билан солиштиришга ўхшайди". Гвардиола Месси ва Ямаль ҳақида  4 10:54Санчо учинчи марта "Боруссия"га қайтиши мумкин  0 10:26"Пахтакор" ва "Бунёдкор" собиқ ҳужумчиси фаолиятини "Шўртан"да давом эттириши мумкин  7 09:55Жоау Феликснинг "Ал Насср"даги маоши маълум  1 09:28"Пахтакор" ҳимоячиси фаолиятини "Динамо" ёки "Сўғдиёна"да давом эттириши мумкин  3 09:01Абдуқодир Ҳусанов янги мавсумга тайёргарлик кўриш учун "Манчестер Сити" ихтиёрига қайтди  5 08:34"Сурхон" ва "Андижон" ўзаро футболчи алишишди. Шунингдек, "бургутлар" "шерлар"дан футболчи ижарага олади  2 08:05"Шўртан" яна бир собиқ "Олимпик" футболчиси билан шартнома имзолади  1

АПЛдагилар космосдан тушмаган ёхуд уни "Манчестер Сити"да нима кутмоқда? Ҳусановнинг саргузаштлари ўзбекистонлик мураббийлар нигоҳида News

АПЛдагилар космосдан тушмаган ёхуд уни "Манчестер Сити"да нима кутмоқда? Ҳусановнинг саргузаштлари ўзбекистонлик мураббийлар нигоҳида

Абдуқодир Ҳусановнинг Европадаги ажойиб ўйинлари барчанинг диққат марказид бўлиб турибди.

Хусусан, футболчимизнинг "Манчестер Сити"га йўл олишига хориж оммавий ахборот воситалари, мутахассислар муносабатларини билдирмоқда. Биз ҳам бу борада ўзимизнинг маҳаллий мураббийларимизнинг фикрларига қулоқ тутдик. 



Хайрулла Каримов (ОКМК фитнесс мураббийи, Ўзбекистон терма жамоаси собиқ футболчиси) - Тўғриси бундан жуда хурсанд бўлдим. Абдуқодирни ўйинларини анчадан буён кузатиб келаман. АПЛда ўз ўйинларини кўрсатиб кетишига тилакдошман. Унинг салоҳияти жуда юқори. Гвардиола дунёнинг энг зўр мураббийи. Бундай мураббийнинг қўлига тушишнинг ўзи катта бахт. "Манчестер Сити" янада ўсиши учун яхши имконият деб ўйлайман. Улар ҳам ўзимизга ўхшаган одамлар, космосдан тушиб қолмаган. Шу боис бу ерда ортиқча босим, ҳавотирни ўйлашга ҳожат йўқ. Инсон қилган ишни инсон қила олади. Янги чемпионатга тезда кўникиб кетади ва ўз одоби билан кўп нарсага эришади. Истардимки, бу иш янада хайрли бўлиб Ўзбекистондан кўплаб футболчилар кучли чемпионатларда тўп тепишсин. 

Сервер Жепаров (Ўзбекистон терма жамоаси собиқ сардори) - Абдуқодир ўз меҳнати билан жаҳоннинг энг буюк жамоасига боришга муносиб эди. Бу ўзбек футболи тарихидаги АПЛ томон илк ўтиш ҳисобланади. Табиийки, уни бу йўлда тайёрлаган барчага раҳмат айтишимиз керак. Нима ҳам дердим мамлакатимиз футболи учун бу катта ташланган қадам. Омадини берсин деб қоламан. 



Тимур Кападзе (Ўзбекистон МТЖ, ОТЖ собиқ мураббийи) - Абдуқодир Ҳусанов учун ҳаммамиз хурсандмиз ва "Манчестер Сити" либосида кўришни интиқлик билан кутмоқдамиз. Ўзимизнинг ўзбек йигитининг гранд жамоага, топ мураббий қўлига бораётгани ёқимли. Бундай жамоалар ўз-ўзидан футболчи олмайди. Ҳар томонлама кузатишади. Футболчимизни юқори баҳолаётгани ҳам кўп нарсадан дарак бериб турибди. Ўйлайманки, бу ўтиш бизнинг футболимиз учун катта плюс. Боз устига АПЛда ўйнайди. Ҳусановда куч, маҳорат, ёш ҳамма нарсаси бор. У яна ўсадиган бола. Унга дунёнинг энг яхши ҳимоячиси бўлишини тилайман. 

Rating: +28   

Comments

championat.asia
< show latest news
Яндекс.Метрика