АПЛда "Олтин қўлқоп" кимга насиб этиши маълум бўлди
04 may 2024 15:19
News

АПЛда "Олтин қўлқоп" кимга насиб этиши маълум бўлди

"Арсенал" посбони Давид Райя Англия Премьер-лигасининг энг яхши дарвозабони бўлди.

"Тўпчилар" кипери жорий мавсум якунларига кўра "Олтин қўлқоп" соврини ғолибига айланди. Кеча "Эвертон" посбони Жордан Пикфорд "Лутон"га қарши баҳсда (1:1) гол ўтказиб юборгандан сўнг Райянинг соврини кафолатланди.

Райя жорий мавсум АПЛнинг 29та учрашувида иштирок этиб, 14та баҳсда дарвозаси даҳлсизлигини сақлаб қолди. Пикфордда эса 12та "қуруқ" ўйин бор ва у кўпи билан испанияликнинг натижасини такрорлаши мумкин.

Давид Райя 2023 йилнинг августида ижара асосида "Брентфорд"дан "Арсенал"га ўтган эди. Жорий мавсум у 23та гол ўтказиб юборди.

Link :

Source : BBC

Receive latest football news directly on your phone. Subscribe for our Telegram channel!

Rating: +7