АПЛда энг кўп маош олувчи футболчи ва мураббий аниқ бўлди

Унга кўра, ушбу мавсумда "Тоттенхэм" хавбеки Гарет Бэйл барчадан кўп маош олмоқда. Унинг ойлик маоши 2,5 млн еврони ташкил қилади.

Навбатдаги ўринларда "Манчестер Юнайтед" посбони Давид де Хеа (1,85 млн евро), "Манчестер Сити" ярим ҳимоячиси Кевин де Брюйне (1,58 млн евро) ва вингери Раҳим Стерлинг (1,48 млн евро) ҳамда МЮ ярим ҳимоячиси Поль Погба (1,43 млн евро) бормоқда.

Лигада энг кўп маош оладиган мураббий эса "Манчестер Сити"ни бошқараётган Пеп Гвардиола (1,89 млн евро) бўлди. Иккинчи ва учинчи ўринларда Жозе Моуриньо ҳамда Юрген Клопп (1,42 млн евро) ўрин олишган.