АПЛ. "Ман Сити" голлар шоусига айланган ўйинда "Ньюкасл"ни ютолмади
21 aug 2022 22:35
News

АПЛ. "Ман Сити" голлар шоусига айланган ўйинда "Ньюкасл"ни ютолмади

Англия чемпионати 3-тури доирасидаги "Ньюкасл" ва "Манчестер Сити" жамоалари ўртасидаги баҳсда кучлар тенг келди.

Пеп Гвардиола шогирдлари 2-бўлимда ирода кўрсатиб, 1 очко ишлаб олишди. Шу тариқа АПЛда 3-турдан кейин очко йўқотмаган ягона жамоа қолди ("Арсенал"). "Манчестер Сити" бугунги ўйиндан кейин 7 очко билан 2-поғонага жойлашган бўлса, "Ньюкасл Юнайтед"нинг ҳисобида 5 очко бор. ТУРНИР ЖАДВАЛИ

Newcastle United

Miguel Almiron - 28', Callum Wilson - 39', Kieran Trippier - 54'

Premier League . Round 3

21/08/2022, 20:30

Finished

Manchester City

Ilkay Gundogan - 5', Erling Haaland - 60', Bernardo Silva - 64'

Stadium: St James' Park, 52258 spectators

Referee: Jarred Gillett

45'

90'

Open in Match Center

АПЛ, 3тур.
"Ньюкасл Юнайтед" 3:3"Манчестер Сити"
Гол: Илкай Гюндоган (5), Алмирон (28), Уилсон (39), Триппьер (54), Холанд (60), Силва (64).
Бош ҳакам - Жарред Жиллетт
"Ньюкасл": Ник Поуп, Киран Триппьер (с), Фабиан Шер, Свен Ботман, Дэн Берн (Эмиль Крафт, 90+5), Мигель Алмирон (Жейкоб Мерфи, 82), Бруно Гимарайнс, Аллен Сен-Максимен, Жо Уиллок (Шон Лонгстафф, 69), Жоэлинтон, Каллум Уилсон (Крис Вуд, 69).
Захира: Мартин Дубравка, Жамал Ласселлс, Эллиот Андерсон, Мэтт Ричи, Райан Фрейзер.
"Ман Сити": Эдерсон, Кайл Уокер, Жон Стоунз, Натан Аке (Рубен Диаш, 21), Жоау Канселу, Родри, Кевин де Брюйне, Илкай Гюндоган (с), Бернарду Силва, Фил Фоден, Эрлинг Холанд.
Захира: Штефан Ортега, Люк Мбете, Рико Льюис, Серхио Гомес, Кэлвин Филлипс, Коул Палмер, Рияд Махрез, Хулиан Альварес.

Огоҳлантиришлар: Бруно Г.(8), Шер (33), Триппьер (76) - Канселу (19), Стоунз (53).

90+9. Жарред Жиллеттнинг якуний ҳуштаги чалинди. Дуранг!

90+8. Бернарду Силванинг узатмасини ҳам мезбонлар посбони эгаллаб олди. У ерга ётиб учрашув тугашини кутяпти.

90+7. Уокер жарима майдонига узатган тўпни Поуп эгаллаб олди.

90+6. "Сити"нинг ҳужуми натижасиз тугагач, Сен-Максимен катта тезликда олдинга ўтди. "Шаҳарлик" ҳимоячилар яхши ўйнашди.

90+5. "Ньюкасл"да ўзгариш. Крафт Бёрнни алмаштирди.

90+3. Ден Бёрнга шифокорлар ёрдами кўрсатиляпти.

90+2. Майдон марказида Холандни қўполлик эвазига тўхтатиб қолган Жоэлингтон огоҳлантирилди.

90+1. Стоунз жарима майдони марказига узатган тўпни Ник Поуп эгаллаб олди.

Учрашувнинг асосий вақтига 5 дақиқа қўшиб берилди.

90. Фоденнинг кучли зарбаси Шерга рикошет ҳосил қилиб майдонни тарк этди. "Сити"да "корнер".

88. Ник Поуп яна жамоаси жонига оро кирди. Мезбонлар посбони бугун қаҳрамонлардан бири.

85. "Сити"нинг босими кучайиб кетди. "Ньюкасл" тўп билан майдоннинг иккинчи ярмига ўтолмаяпти.

82. Мезбонларда яна бир ўзгариш. Алмирон ўрнига Жейкоб Мерфи майдонга чиқди.

78. "Сити"да хавфли ҳужум. Холанд яқин масофадан дарвозани ишғол қила олмади.

76. Вазиятга ВАР аралашди. Жарред Жиллетт қизилни сариқ карточкага алмаштирди. "Ньюкасл" сардори ўйинни давом эттиради.

~~73. Қизил карточка.~~ ~~Де Брюйнега нисбатан қўпол ўйнаган Триппер майдондан четлатилди.~~

70. Холанд узатган тўпни Поуп дарвозаси томон тепган Гюндоган офсайдда экан.

69. Мезбонлар сафида ўзгариш. 2-гол муаллифи Каллум Уилсонни Крис Вуд, Уиллокни Лонгстафф алмаштирди.

67. "Шаҳарликлар" ғалаба голини уриш учун ҳаракатни бошлаб юборишди.

64. Даҳшат! Де Брюйнедан ажойиб пас, Бернарду ҳисобни тенглаштирди.

62. "Сити" яна ҳужумда. Холанд дарвозабон билан бирга-бир вазиятдан фойдалана олмади.

60. Гоооооол! Бу гал Холанд катта саҳнага чиқди. Эрлингнинг зарбаси олдида Ник Поуп ҳам ожиз — 3:2.

59. Сейв! Поуп яна вазият қаҳрамонига айланди. У "Сити" футболчисининг бош билан берган зарбасини қайтарди.

57. Мезбонлар ҳужумга зўр беришмоқда. "Сити" "ўчиб қолди".

54. Гооооооол! Олмалиқдаги серия ўз йўлига. Киран Триппьер Эдерсон дарвозасини жаримадан ишғол қилди.

53. Стоунзга сариқ. Мезбонлар жарима майдони яқинидан стандартга эга бўлди.

52. Ник Поуп Эрлинг Холанднинг зарбасини аранг бартараф қилди.

49. Энди Гимарайнсни Гюндоган майдон марказида тўўхтатиб қолди.

47. Сен-Максимен 2-бўлимни ҳам фаол тарзда бошлади. Уокер қанотда уни қўполлик билан тўхтатиб қолди.

46. Иккинчи бўлимни "Ньюкасл" футболчилари бошлаб беришди.

Танаффус!

45+4. Жоэлингтон Силвага нисбатан қоидани бузди. "Сити" дастлабки бўлимдаги охирги стандартидан фойда чиқара олмади.

45+2. "Ньюкасл" вакиллари учрашувдаги 4-"корнер"ларидан фойдаланишади. Меҳмон ҳали бурчак зарбасига эга бўлишмади.

45. Таймга 3 дақиқа қўшиб берилди.

44. Сен-Максимен - биринчи бўлимда мезбонлар сафидаги энг фаол ўйинчи бўлди. Айнан у иккала голга ассистентлик қилди.

43. "Манчестер Сити" футболчилари танаффус олдидан ҳисобни тенглаштиришга ҳаракат қилиб кўришади. Родрининг яна бир бор узоқ масофадан йўллаган зарбасини Ник Поуп ушлаб олди.

39. Гоооооол! Алландан тўпни қабул қилиб олган Каллум Уилсон "Сити" дарвозасини ишғол қилди - 2:1.

37. "Ньюкасл" ҳужумда, Жоэдингтон Эдерсонни алдаб ўтди. Аммо Канселу бўш қолган дарвозани голдан асраб қолди.

36. Ухх! Ҳозир Гюндоган ҳисобни ўзгартириши мумкин эди. Аммо Ботман зарба йўлига тўғоноқ бўлди.

33. Жарима майдони ёнида Фоденни "зарарсизлантирган" Фабиан Шер огоҳлантирилди.

31. Голдан кейин мезбонлар тўп назоратини яна Пеп Гвардиола жамоасига топширди.

29. ВАР системаси ишга тушди. Офсайд текшириляпти. Йўқ, гол ҳисобга олинди - 1:1.

28. Гооол! Қанотдан узатилган тўпни Мигел Альмирон "шаҳарликлар" дарвозасига йўллаб қўйди.

27. Каллумнинг яна бир зарбаси Эдерсонга қийинчилик туғдирмад.

26. Яна мезбонлар ҳужумда. Уилсоннинг зарбасидан кейин "Ньюкасл" корнер ишлаб олди.

24. Ниҳоят, Эдерсон ҳам ўзини эслатиб қўйди. Бразилиялик посбон Сен-Максимен томонидан йўлланган мураккаб зарбани бартараф қилди.

21. "Сити"да мажбури ўзгариш. Натан Аке ўз ўрнини Рубен Диашга бўшатиб берди.

20. Яна мезбонлар посбони. Поуп бу гал де Брюйни ижросидаги зарбани қайтариб юборди.

19. Жоау Канселуга сариқ карточка.

18. Ноаниқ зарба. Сен-Максимен тўпни жарима майдони марказига узатди. Альмирон эса деряли пенальти нуқтасидан тўпни "осмонга учирди"...

15. Ух! Фил Фоденнинг хавфли зарбасидан кейин яна Поуп ижросида сэйв кўрдик.

14. Мезбонлар тезкор қарши ҳужум уюштиришган эди. Уилсон офсайдда қолиб кетибди...

10. Кевиннинг бирга-бир вазиятдан йўллаган зарбасини Поуп қайтариб юборди. Белгиялик ярим ҳимоячини Холанд яхши вазиятга чиқарганди.

8. Дастлабки сариқ карточка. Де Брюйнени қўполлик билан тўхтатиб қолган Бруно Гимарайнс огоҳлантирилди.5. Гооол! Гвардиола шогирдларининг "Ньюкасл" дарвозасига йўллаган зарбасидан кейин ўйинда ҳисоб очилди. Гюндоган ўз номини таблога ёздириб қўйди.