АПЛ. Бугунги рестарт учун превью

Бу 2 учрашув Англия лига кубоги туфайли қолдирилган (аслида февраль ойи сўнггида бўлиб ўтиши керак эди) бўлиб, 28-тур тақвимидан ўрин олган эди. Булар - “Астон Вилла” – “Шеффилд Юнайтед”, “Манчестер Сити” – “Арсенал”. 

17.06 22:00 (Тошкент вақти) “Астон Вилла” - “Шеффилд Юнайтед"

"Астон Вилла" жамоаси айни дамда турнир аутсайдерлари қаторида, яъни 19-ўринда жойлашган бўлса, "Шеффилд Юнайтед" 7-ўринда бормоқда. Бироқ бу ўйинга ҳеч қандай таъсирини ўтказмайди, сабаби барча жамоалар эндигина карантиндан қайтган ва футболчиларнинг спорт формаси юқори даражада деб бўлмайди.

Таркиблар бўйича

"Астон Вилла"нинг асосий устунлиги шундаки, жамоанинг шотландиялик ярим ҳимоячиси Жон Макгинн жароҳати туфайли юзага келган олти ойлик танаффусдан кейин сафга қайтган. Бу клуб бош мураббийи Дин Смитни қувонтириши аниқ.

Пепе Рейна эхтиётсизлиги боис кичик жароҳатга учраганди, ҳозир эса испаниялик посбон жамоадаги бошқа дарвозабонлар Жед Стир ва Эрьян Нюланн билан яхшигина рақобатлашишига тўғри келади. 

Клуб асосий посбони бўлмиш Том Хитон ва ҳужумчи Весли ҳозир жароҳатини даволаш билан банд.  

Крис Уайлдер қўл остидаги меҳмонларда айтарли муаммо йўқ. Карантиндан олдин бўлган бўлиши мумкин, аммо ҳозир эмас. 

Клуб учун хушхабарлардан бири,  бу МЮ дарвозабони Дин Хендерсон билан ижара шартнома муддати узатирилганлигидир, демак, дарвозабон бошқа бир "Юнайтед" дарвозасини қўриқлашда давом этади.

"Шеффилд Юнайтед"даги асосий муаммо (аслида, буни муаммо деб ҳам бўлмайди) - ҳужум чизиғида икки кишининг тўп тепиши. Чунки жамоада 3 нафар савияли ҳужумчи йиғилган - Дэвид Макголдрик, Лис Муссе ва Билли Шарп.

Ўзаро ўйинлардаги натижалар

Ўйинга оид фактлар:

- "Астон Вилла" охирги 4 ўйинда фақат ютқазган (Премьер-лига).

-  "Астон Вилла"нинг охирги 6 уй ўйинида 2 тадан кўп гол урилган (Премьер-лига).

- "Шеффилд Юнайтед" "Астон Вилла" билан сўнгги 6 ўйиндан 5 тасида 2 тадан кам гол урмаган (барча мусобақалар).

Тахминий таркиблар

"Астон Вилла" (4-3-3): Нюланн - Гильбер, Энгелс, Мингс, Таргетт - Макгинн, Накамба, Луис - Саматта, Эль-Гази, Грилиш

"Шеффилд Юнайтед" (3-5-2): Хендерсон - Бэшем, Иган, О’Коннелл - Болдок, Ландстрём, Норвуд, Флек, Стивенс - Макголдрик, Макберни    

Жамоаларнинг жароҳатланган футболчилари: Хитон, Весли ("Астон Вилла)

Aston Villa

Premier League . Round 28 17/06/2020, 23:00 0 : 0 Finished

Sheffield United

Stadium: Villa Park, 0 spectators

Referee: Michael Oliver

45'

90'

27'  Douglas Luiz

69'  Keinan Davis (Mbwana Samatta)

69'  Anwar El-Ghazi (Trezeguet)

76'  John McGinn (Marvelous Nakamba)

76'  Ezri Konsa (Ahmed El Mohamady)

36'  John Lundstram

69'  Billy Sharp (David McGoldrick)

69'  Sander Berge (Luke Freeman)

80'  Oliver McBurnie (Lys Mousset)

Open in Match Center

18.06 00:15 (Тошкент вақти) “Манчестер Сити” - “Арсенал”

Гвардиола шогирдлари карантиндан олдинги сўнгги баҳсда МЮга мағлуб бўлганди, Микель Артета бошчилигидаги "Арсенал"нинг эса танаффусдан олдинги кетма-кет ғалабалари, еврокубоклар, ҳатто, Чемпионлар лигаси учун курашда умид уйғотди.

Бу ўйиндаги энг қизиқ жиҳат, шубҳасиз, Пеп Гвардиоланинг собиқ ёрдамчиси Артетанинг "Этихад"га ташрифи бўлади. 

Айтиб ўтиш керакки, мезбонлар таркиб жиҳатдан анча кучли, лекин ҳозирги вазият ҳар доимгисидан фарқ қилади. 

“Шаҳарликлар” турнир жадвалида 2-ўринни эгаллаб турган бўлишса, “тўпчилар” 9-ўринга жойлашишган. 

Таркиблар бўйича

Гвардиолада ҳар бир позиция учун вариантлар талайгина.  

"Манчестер Сити" аъзолари Кевин Де Брёйне ва Эмерик Ляпорт сафга қайтган ва чоршанба куни асосий таркибда тушишлари кутилмоқда. 

Шунингдек, Лерой Сане машғулотларда фаол қатнашмоқда, у Раҳим Стерлинг ҳамда Рияд Махрез билан рақобатлашишга тайёр.

Жароҳат туфайли мавсумнинг катта қисмини ўтказиб юборган ҳимоячилар - Эктор Бельерин, Сеад Колашинац ва Киран Тирни ҳозир майдонга тушишга шай.

Ўз ўрнида эслатиб ўтиш жоиз,  Калум Чемберс ва Лукас Торрейра оғир жароҳатини даволаш билан банд.

Ҳозирги пайтда Артета учун чап қанот ҳимоячиси сифатида ёш Букайо Сака номзоди барибир идеал вариант бўлиб қолса керак. Ҳужумда катта эҳтимол билан Обамеянг - Ляказетт жуфтлигини кўрамиз.

Ўзаро ўйинлардаги натижалар

Ўйинга оид фактлар:

- "Манчестер Сити" сўнгги 33 уй ўйинидан 28 тасида ғалаба қозонган (Премьер-лига). 

- Ўзаро кечган сўнгги 6 баҳсда "Манчестер Сити" ютган (барча мусобақалар). 

- "Арсенал" охирги 3 ўйинда рақиблари устидан фақат ғалабага эришган (Премьер-лига). 

- "Манчестер Сити" "Арсенал"га қарши охирги 6 ўйиндан 5 тасида камида 3 та гол урган (барча турнирлар). 

- "Шаҳарликлар" сўнгги 5 ўйинда рақиблар дарвозасига камида 2 та тўп киритган (Премьер-лига).

Тахминий таркиблар

"Манчестер Сити" (4-3-3): Эдерсон - Уокер, Фернандиньо, Ляпорт, Менди -  Де Брёйне, Родри, Гюгдоган - Махрез, Агуэро, Стерлинг

 "Арсенал" (4-2-3-1): Лено - Бельерин, Сократис, Луиз, Сака - Себальос, Жака, Пепе, Озиль, Обамеянг - Ляказетт 

Жамоаларнинг жароҳатланган футболчилари: Чемберс, Торрейра ("Арсенал")

Manchester City Raheem Sterling - 45', Kevin De Bruyne - 51', Phil Foden - 90'

Premier League . Round 28 18/06/2020, 01:15 0 : 3 Finished

Arsenal

Stadium: Etihad Stadium, 0 spectators

Referee: Anthony Taylor

45'

90'

45'  Raheem Sterling

51'  Kevin De Bruyne

65'  David Silva (Bernardo Silva)

65'  Riyad Mahrez (Phil Foden)

70'  Kevin De Bruyne (Rodri)

70'  Aymeric Laporte (Fernandinho)

79'  Rodri

80'  Gabriel Jesus (Sergio Aguero)

90'  Phil Foden

8'  Granit Xhaka (Daniel Ceballos)

24'  Pablo Mari (David Luiz)

49'  David Luiz

67'  Matteo Guendouzi (Ainsley Maitland-Niles)

67'  Edward Nketiah (Alexandre Lacazette)

67'  Joseph Willock (Reiss Nelson)

76'  Kieran Tierney

Open in Match Center

Турнир жадвали 

Шерзод Нурматов тайёрлади.