АПЛ: 21-тур. Бугунги ўйинлар превьюси
11 jan 2014 14:05
News
![](https://championat.asia/upload/storage/113685_original.jpg)
![](/upload/storage/113685_220.jpg)
АПЛ: 21-тур. Бугунги ўйинлар превьюси
ХАЛЛ - ЧЕЛСИ (17:45)
Ушбу жамоалар ўртасидаги барча учрашувлар тарихида “Халл” фақатгина тўрт маротаба “Челси” устидан ғалаба қозона олган.Сўнгги марта бу воқеа 1988 йилда рўй берганди.
Шуни ҳам айтиш керакки, “Халл” ҳудди “Арсенал”, “Манчестер Сити”, “Ливерпуль” каби уй учрашувларида энг кам гол ўтказаётган жамоалардан бири бўлиб турибди. Бор йўғи олтита гол ўтказиб юборди мезонлик қилган ўйинларида.
“Челси” эса чемпионатдаги сўнгги 5 учрашувда тўртта ғалабага эришди.
“Халл Сити” ҳимоячиси Пол Макшейн жароҳати туфайли бир ойча майдонга туша олмайди. Жумладан уушбу ўйинда ҳам. Ундан ташқари Стив Брюснинг яна бир неча йигитлари вирусли касалликлар юқтириб олишган. Аммо мураббий бу футболчилар ўйинга тайёр бўлишидан умид қилмоқда.
“Челси”да ҳам йўқотишлар йўқ эмас. Яқмн бир ой ичида “аристократлар” тажрибали Фрэнк Лэмпард ва Бранислав Иванович хизматларидан фойдалана олишмайди.
"CA" тахмини: 40% - 60%
ТОТТЕНХЭМ - КРИСТАЛ ПЭЛАС (20:00)
Тим Шервуд жамоани бошқаришни бошлагач, аҳволи бир оз яхшилангандек таассурот қолдираётган “Толттенхэм”нинг “Кристал Пэлас”га қарши учрашувларидаги статистикасига ҳавас қилиб бўлмайди. Жамоаларнинг ўзаро сўнгги 9 учрашувида фақат бир бора ғалаба қозона олган. У ҳам бўлса ушбу мавсумнинг биринчи турида. Лондонликлар ўз уйидаги 10 йинда фақатгина 15 очко тўплашга ва 11тагина гол уришга эришган. Сўнгги ўн учрашувда Шервуд шогирдлари фақат бир мартагина гол ўтказиб юбормасдан ўйинни якунлаган.
“Кристал Пелас” эса ўзининг сўнгги беш ўйинидан фақат биттасини юта олди. Тони Пьюлис қўл остида улар йиғиши мумкин бўлган 24 очкодан фақат 10 очко қўлга киритишга мувоффақ бўлди.
“Тоттенхэм”даги йўқотишлар: Юнус Қобул, Ян Вертонген, Паулиньо, Сандро, Гульфи Сигурдссон, Льюис Холтби ва Эрик Ламела.
"Кристал Пэлас"да эса йўқотишлар деярли йўқ. “Вест Бромвич”га қарши ўйинда жароҳати туфайли ўйнай олмаган Кэмерон Жером сафга қайтди.
"СА" тахмини: 65% - 35%
ЭВЕРТОН - НОРВИЧ (20:00)
“Эвертон” АПЛ доирасидаги ўзаро беш ўйиндан бери “Норвич”ни енга олмаяпти. Уларнинг тўрттаси дуранг ва биттаси ливерпулликларнинг мағлубияти билан ниҳоя топган. Бироқ “Эвертон” бу мавсумни аввалгисидан анча яхши ўтказаётганини таъкидлаш керак. Роберто Мартинес бошқариб келаётган жамоа ўтган йили айни шу даврда ҳозиргидан 5 очко камроқ йиққанди.
“Норвич” эса кета-кет бешта ўйиндан бери ғалаба қозона олмаётгани ҳам эътиборга молик.
Бугунги ўйинда кичик жароҳатларини даволатиб улгурган “Эвертон”нинг етакчи футболчилари Лейтон Бэйнс ва Росс Баркли иштирок эта олади. Фил Ягиелка ва Сильвен Дистен яна бир ҳафта даволанишлари керак.
Дисквалификацияни ўтаб бўлагн “Норвич” ярим ҳимоячиси Лерой Фер сафга қайтади. Уэс Хулахан ва Брэдли Жонсон ҳам жароҳатларидан қутилшган.
“Норвич” сафидаги йўқотишлар: Майкл Тернер, Эллиотт Беннетт, Джонни Хоусон, Алекс Теттей ва Энтони Пилкингтон.
"СА" тахмини: 65% - 35%
ФУЛХЭМ - САНДЕРЛЕНД (20:00)
Ушбу мавсумда “Фулхэм” аллақачон 42та гол ўтказишга улгурди. Айни пайтда АПЛда энг кўп гол ўтказиб юборган жамоа ҳам айнан улардир. Уларнинг бугунги рақиблари бўлмиш “қора мушуклар” сафардаги сўнгги тўрт ўйинда мағлубият нима эканини билмай келишяпти.
“Фулхэм” ҳамон Бред Хангеланд хизматларидан фойдалана олмайди. Бироқ сафга Маартен Стекеленбург қайтишга тайёр.
“Сандерленд”да эса жароҳатлар билан боғлиқ ҳолат аввалги турлардагидек. Яъни фақатгина Кирен Вествуд ва Карлос Куэльяр майдонга тушишга тайёр эмас.
"СА" тахмини: 50% - 50%
МАНЧЕСТЕР ЮНАЙТЕД - СУОНСИ (22:30)
Бир ҳафта илгари “Суонси” ўз тарихида илк бор “Олд Траффорд”да ғалаба қозонишга эришди ва бу ғалабаси билан “Манчестер Юнайтед”ни Англия Кубогидан чиқариб юборди. “Қизил иблислар” ўз уйларидаги сўнгги 6 ўйиннинг тўрттасида мағлубиятга учрадилар. “МЮ” сўнгги уч ўйинда енггилган бўлса, “Суонси” бутун мавсум давомида чемпионатда фақат беш бора ғалаба қозона олган. “Оққушлар” ўз уйидагидан кўра сафарда кўроқ ғалаба қозонаётган тўрт жамоанинг биридир.
“Манчестер Юнайтед” бу ўйинни ҳам Уэйн Руни ва Робин ван Персисиз ўтказишга мажбур. Шунингдек, Жонни Эванснинг ҳам майдонга тушиши сўроқ остида.
“Суонси” Пабло Эрнандес ва Ролан Ламани ўйната олмайди. Шунингдек Михел Ворм ҳам жароҳатини даволашни давом эттирмоқда.
"СА" тахмини: 60% - 40 %
№ | Жамоа | Ўйин | Ғалаба | Дуранг | Мағлубият | Т-Н | Очко |
---|---|---|---|---|---|---|---|
1 | Арсенал | 20 | 14 | 3 | 3 | 39-18 | 45 |
2 | Манчестер Сити | 20 | 14 | 2 | 4 | 57-23 | 44 |
3 | Челси | 20 | 13 | 4 | 3 | 38-19 | 43 |
4 | Ливерпуль | 20 | 12 | 3 | 5 | 46-23 | 39 |
5 | Эвертон | 20 | 10 | 8 | 2 | 32-19 | 38 |
6 | Тоттенҳэм | 20 | 11 | 4 | 5 | 24-25 | 37 |
7 | Ман. Юнайтед | 20 | 10 | 4 | 6 | 33-24 | 34 |
8 | Ньюкасл | 20 | 10 | 3 | 7 | 29-25 | 33 |
9 | Саутгемптон | 20 | 7 | 6 | 7 | 26-23 | 27 |
10 | Халл Сити | 20 | 6 | 5 | 9 | 22-25 | 23 |
11 | Астон Вилла | 20 | 6 | 5 | 9 | 19-25 | 23 |
12 | Сток Сити | 20 | 5 | 7 | 8 | 19-30 | 22 |
13 | Суонси Сити | 20 | 5 | 6 | 9 | 26-28 | 21 |
14 | Вест Бромвич | 20 | 4 | 9 | 7 | 23-27 | 21 |
15 | Норвич Сити | 20 | 5 | 5 | 10 | 17-33 | 20 |
16 | Фулҳэм | 20 | 6 | 1 | 13 | 21-42 | 19 |
17 | Кардифф сити | 20 | 4 | 6 | 10 | 15-32 | 18 |
18 | Кристал Пэлас | 20 | 5 | 2 | 13 | 13-29 | 17 |
19 | Вест Хэм | 20 | 3 | 6 | 11 | 19-30 | 15 |
20 | Сандерлэнд | 20 | 3 | 5 | 12 | 15-33 | 14 |
![AMP Logo](https://championat.asia/image/logo-amp.png)
Comments