АПЛ: “14 клуб Суперлигага қарши, буни олдини олиш учун барча чораларни кўрамиз”
20 apr 2021 20:45
News

АПЛ: “14 клуб Суперлигага қарши, буни олдини олиш учун барча чораларни кўрамиз”

Tags : Европа Суперлигаси АПЛ 2020/21

Англия Премьер-лигаси Суперлига яратилиши бўйича чемпионатнинг 14 клуби иштирокидаги йиғилиш ҳақида расмий баёнот берди.

“Премьер-лига бугун футбол ассоциациялари билан биргаликда учрашиб, Суперлига яратилиши бўйича йиғилиш ўтказди.
Учрашувда 14 клуб қатъий ва бир овоздан мусобақа режаларини рад этди. Премьер-лига буни олдини олиш, шунингдек, Суперлигага қўшилган акциядорларни қоидаларга мувофиқ жавобгарликка тортиш учун барча чораларни кўриб чиқмоқда.
Лига манфаатдор томонлар, шу жумладан, мухлислар гуруҳлари, ҳукумат, УEФА, Англия футбол ассоциацияси, Англия Лигаси, футболчилар ва мураббийлар ассоциациялари билан ишлашни давом эттиради ҳамда бошқа мусобақада қатнашмоқчи бўлган клубларни буни тўхтатишга чақиради.
Премьер-лига мухлисларга ва барча манфаатдор томонларга ушбу муҳим масалада кўрсатган ёрдами учун миннатдорчилик билдиради”, деб ёзилади баёнотда.

Link :

Source : premierleague.com

Receive latest football news directly on your phone. Subscribe for our Telegram channel!

Rating: +11