АПЛ 1-тур ўйинлари бир дақиқалик сукут билан бошланади
13 aug 15:50
News

АПЛ 1-тур ўйинлари бир дақиқалик сукут билан бошланади

Англия Премер-лигаси янги мавсуми 1-туридан ўрин олган ўйинлар "Ливерпул"нинг вафот этган вингери Диогу Жота ва унинг укаси Андре Силва хотирасига бир дақиқалик сукут билан бошланади.

Бу ҳақда Британиянинг BBC онлайн нашри хабар бермоқда. Манбага кўра, АПЛнинг 1-тур учрашувларида ҳам футболчилар қора рангли боғичларини тақишади.

Эслатиб ўтамиз, португалиялик футболчи Испанияда укаси билан бирга вафот этди. Фожиали воқеа 3 июль куни содир бўлди. Жота "Ливерпуль" сафида 2020 йилдан буён тўп тепиб келаётган эди.

"Қизиллар" сафида португалиялик футболчи Англия Премер-лигаси чемпиони бўлди ва Ангия кубокларини қўлга киритди. Жота Португалия терма жамоаси билан УЕФА Миллатлар лигаси ғолибига айланди.