Анхель Лопес: "Сурхон" кейинги босқичга чиққанидан бахтиёрман"
21 apr 2022 22:21
News

Анхель Лопес: "Сурхон" кейинги босқичга чиққанидан бахтиёрман"

Ўзбекистон кубоги гуруҳ босқичи 3-туридан ўрин олган "Металлург" – "Сурхон" (1:0) учрашувидан кейин меҳмонлар бош мураббийи Анхель Лопес фикрларини билдириб ўтди.

"Ўзбекистон кубоги гуруҳ босқичи якунланди. Биз "Бунёдкор", "Металлург" каби жамоалар бор бўлган қийин гуруҳга жойлашгандик. Бундан ташқари, икки марта сафарда ўйнадик. Тўплар фарқи +1 бўлди, 4 очко тўпладик, шу боис кейинги босқичга йўл олдик. Бу жамоамиз учун жуда муҳим эди.

Ўйинга келсак, осон бўлмади. Ҳакам ҳам ўйинни жуда кўп тўхтатди.

Вазиятлардан унумли фойдаланишга ҳаракат қилдик. Барча ҳужумчиларимиз – Абдулазиз Юсупов, Мирослав Маркович, Мурод Бобожонов, Луис Кезаданинг хизматларидан фойдаландик. Улар вазиятлардан фойдаланишга уриниб кўришди. Охиригача курашдик ва бу жамоамиз шижоатли эканини билдиради.

"Сурхон" кейинги босқичга чиққанидан бахтиёрман, аммо энди эътиборимизни Суперлигага, жумладан, "Локомотив" билан бўлажак беллашувга қаратамиз", – деди "Сурхон" устози.

Link :

Source : championat.asia

Receive latest football news directly on your phone. Subscribe for our Telegram channel!

Rating: +7