Latest news

19:15Меҳди Тареми Эрон термаси ихтиёрини тарк этди, у янги жамоаси билан шартнома имзолайди  0 19:05АПЛ. "Брайтон" - "Манчестер Сити" 0:1 (матнли трансляция)  9 18:43"Ал Иттиҳод" бразилиялик футболчи билан музокараларни бошлади  0 18:15"Манчестер Юнайтед" собиқ ҳимоячиси "Астон Вилла"га ўтмоқда  0 17:44Энцо Мареска: "Жароҳатларнинг кўплиги бежизга эмас"  0 17:16"Қайрат": "Реал" билан ўйин учун чипталар сотувга чиқарилмаган ва нархлар тасдиқланмаган"  0 16:56"Милан" "Ливерпуль" ҳимоячисини сотиб олмоқчи  0 16:45АПЛ. "Брайтон" - "Манчестер Сити" баҳси асосий таркиблари маълум: Абдуқодир Ҳусанов асосий таркибга қайтди!   12 16:26Жейми Вардининг навбатдаги жамоаси маълум!  5 15:52Пол Паркер: "Де Хеа қайтмаса керак"  3 15:30Эрик тен Хаг истеъфога чиқиш арафасида  9 15:15"Манчестер Юнайтед" Ламменс трансферини амалга ошира олмаса, Мартинес номзодига қайтади  1 14:50Фоден бугун ўйнамайди  3 14:30ЕЧЛ. "Қайрат" - "Реал" ўйини учун чипталар нархи қанча?  16 14:14Фермин Лопес "Челси"нинг қизиқишларига қарамай, "Барселона"да қолади  1

Анхель Лопес: "Ойбек Бозоров айни дамда чемпионатдаги энг кучли футболчи" News

Анхель Лопес: "Ойбек Бозоров айни дамда чемпионатдаги энг кучли футболчи"

Суперлиганинг 5-турида қолдирилган "Насаф" - "Сурхон" (2:0) учрашувидан кейин меҳмонлар бош мураббийи Анхель Лопес ўз фикрларини билдириб ўтди.



- Пенальти режаларимизни бузиб юборди. Ўйин тарзи ўзгариб кетди. Балки баҳсда белгиланган пенальти 100 фоиз жаримага тортмас, чунки бу ерда хавфли ҳолат йўқ эди. Баҳс 0:0 бўлиб турганида, ҳисобни ушлаб туриш учун ўйнаётгандик. Пенальтидан кейин эса ҳимоячиларнинг ўйинида бироз парокандалик юзага кела бошлади. Кейинчалик ҳужумга ўтиб, ҳисобни тенглаштиришга ҳаракат қилдик. Кетма-кет уч марта дуранг ўйнаган рақиб учун тўртинчиси фавқулодда "авария"дек ботарди. Иккинчи бўлимда эса 77-рақамли футболчининг индивидуал ўйини эвазига рақиб иккинчи голни урди. "Насаф" Ўзбекистоннинг топ-жамоаси. Улар буни ОЧЛда ҳам кўрсатиб қўйди.

Ҳисоб 1:0 пайтида ажойиб вазиятни йўққа чиқардик. "Насаф" каби топ-клублар билан ўйинда бундай вазиятлар доим ҳам юзага келавермайди. Агарда ҳисоб 1:1 бўлганида кўп жиҳатларни тартибга сола олардик. Жамоамнинг келажагига оптимистик қарайман. Биз янада яхши ўйин кўрсата оламиз.

- "Сурхон" "Насаф" дарвозаси олдида кўп ҳам вазият ярата олмади. Жамоанинг ҳужум чизиғида муаммолар кўзга ташланяпти.

- Ойбек Бозоров айни дамда чемпионатдаги энг кучли футболчи. Жамоадаги ёшларнинг келажаги порлоқ. Буни кўриб турибмиз. Аммо "Насаф"нинг сўнгги ўйинларини кўрадиган бўлсак, жамоа "Олимпик"ни ютаётган пайтда ҳам, АГМКни мағлуб этаётган пайтда ҳам ўйинни назорат қилгани йўқ. "Насаф"га биринчи голни уриб олгандан кейин рақибнинг режалари ўзгаради. Ўшандагина уларга иккинчи, учинчи, тўртинчи голларни уриб мумкин бўлади. Аммо бу исталган рақиб учун қийин. Бугун эса жамоа жуда ҳам ажойиб ва мен учун кутилмаган тарзда ўйин намойиш қилди.

- Иккинчи тайм бошида марказий ҳимоячи майдондан олиниб, ярим ҳимоячи туширилди. Кўп ўтмай олдиндаги футболчи ўйиндан олинди ва яна марказий ҳимоячи ўйинга ташланди. Бундай қандай тактика бор?

- Сўнгги уч кун давомида Бобур касал эди. Айнан уни алмаштириш орқали ярим ҳимоячини тушириб, ҳужумкорликни ошириш ният бор эди. 

- "Сурхон" қачон Термизга қайтади?

- Айни дамда буни амалга оширишнинг иложи йўқ. Майдонни тезроқ тайёрлашга ҳаракат қилишяпти. Бироқ бу қачон тайёр бўлишини билмайман.

- Навбатдаги баҳс ҳақида нима дейсиз?

- Ўз жамоамга ишонаман. Жамоа чемпионатда яхши ўйнамоқда, жамоа ўзини кўрсатмоқда. Жамоа ҳар томонлама яхши ўйнашга ҳаракат қилмоқда. Жамоа келажакда янада яхшироқ ўйнашига ишонаман. Йигитларнинг келажаги бор.

Rating: +13   

Comments

championat.asia
< show latest news
Яндекс.Метрика