Анвар Раҳимов ҳозир қаерда?

 Раҳимовнинг сўнгги жамоаси "Нефтчи" клуби бўлди.  Шундан сўнг у нима ишлар билан шуғулланаётгани борасида деярли маълумотлар йўқ. Яқинда Анвар Раҳимов  билан суҳбатлашиб,  бугунги кунда нималар билан банд эканлигини сўрадик. 

- 2017 йилда Фарғонанинг “Нефтчи” жамоасида тугатдим. Орадан бир йил ўтиб эса мураббийлик фаолиятимни бошладим. Бугунги кунда Чиғатой футбол мактабида ишламоқдаман. 2007 йилда туғилган болалар билан шуғулланмоқдаман. 

Футболчилик фаолиятимни эрта якунлашимга жароҳатлар сабаб бўлди. Жароҳатлар олаверганимдан сўнг бутсаларимни михга илиш вақти келганини англаб етдим. Жаҳон футболида катта-катта юлдузлар ҳам жароҳатлар сабаб фаолиятини эрта тугатишган. 

Фаолиятимдан қониқиш ҳосил қилдими? Ўйнаган клубларим билан мамлакат чемпиони, кубогида ғолиб чиқдим. Халқаро мусобақаларда тўп суриш имкони бўлди. Терма жамоамиз билан мундиалда тўп суриш орзуси амалга ошмагани кайфиятни бузади. Бошқа томондан олиб қаралса, фаолиятимдан қониқиш ҳосил қилдим. 

Келажакда албатта Суперлига клубида ишлашни режалаштирганман. Болалар футболида тажрибамни ошириб бормоқдаман. Футболда эриша олмаганларимга мураббийликда эришмоқчиман.