Анвар Ҳожимирзаев: "Бу ютуқ билан тўхтаб қолмоқчи эмасмиз"
04 feb 2021 11:47
News

Анвар Ҳожимирзаев: "Бу ютуқ билан тўхтаб қолмоқчи эмасмиз"

"Фарғона вилояти ҳокими кубоги-2021" мусобақасининг "Бунёдкор"-"Истиқлол" жамоалари ўртасидаги финал учрашувидан сўнг мусобақанинг энг яхши футболчиси деб топилган Анвар Ҳожимирзаев ўз фикрларини билдириб ўтди.

"Бу йилги мусобақа кўтаринки руҳда ўтди деб ўйлайман. Турнир давомида "Бухоро", "Турон", "Қўқон-1912" ва "Бунёдкор" каби кучли жамоаларга қарши ўйнадик. Биринчи ўринни мақсад қилган эдик, афсус финал баҳсида омадимиз чопмади. Умумий холатда айтадиган бўлсак бу турнирдаги иштирокимиз ёмон чиқмади. Мусобақа давомида кўрдик, яна ўз устимизда ишлашимиз зарур экан. Насиб бўлса янги мавсумда ПРО-Лигада ғолиб чиқиб Суперлига йўлланмасига эга чиқмоқчимиз.
Мусобақанинг энг яхши футболчиси деб топилганим менга қўшимча иштиёқ беради. Лекин бу билан тўхтаб қолмаймиз. Ўз устимизда янада кўпроқ ишлаб, ҳар бир учрашувда ғалаба қозониб мухлисларимизни хурсанд қиламиз деган умиддамиз" - дейди Анвар Ҳожимирзаев.

Бекзод Толибов ёзиб олди.

Link :

Source : championat.asia

Receive latest football news directly on your phone. Subscribe for our Telegram channel!

Rating: +1