Анвар Бердиев: "Кераксиз вазиятларда очко йўқотганимиз бизга панд берди"
06 nov 2019 20:53
News

Анвар Бердиев: "Кераксиз вазиятларда очко йўқотганимиз бизга панд берди"

А ПРО-Лига 27-туридан ўрин олган “Истиқлол” – “Оқ-тепа” (5:1) учрашувидан сўнг мезбонлар мураббийи Анвар Бердиев сайтмизга интервью берди.

- Анвар ака, 27-тур учрашувлари якунига кўра, “Истиқлол” жамоаси А ПРО-Лигада 2-ўринни қўлга киритиши аниқ бўлиб улгурди. Ушбу натижа билан табриклаймиз...
- Авваламбор, табрик учун раҳмат! Жорий мавсум биз учун оғир ўтди. Бизни охирги турда “Шўртан”га қарши қийин учрашув кутиб турибди. Очиғи бугун “Хоразм” ўз майдонида “Шўртан”ни мағлуб этганини сиздан эшитдим. А ПРО-Лигада иккинчи ўрин ёмон натижа эмас. Ҳаммага маълум А ПРО-Лигада кучли жамоалар жам бўлган.

Ушбу натижа билан жамоамизнинг барча аъзолари ва мухлисларимизни табриклайман. Шунингдек жамоамизни мунтазам равишда қўллаб-қувватлаб келаётган хомийимизга, жамоамиз раҳбариятига миннатдорчилик билдираман.

Мавсум аввалида жамоамизга А ПРО-Лигада ғолиб чиқиб, Суперлига йўлланмасини қўлга киритиш вазифаси қўйилган эди. Афсуски, бу вазифани уддалай олмадик. Ўша иккинчи давра бошида “Оқ-тепа”га ўз майдонимизда мағлуб бўлганимиз, шунингдек уй учрашувимизда “Машъал” жамоасига ютқазганимиз бизга якунда 1-ўринни олишимизга тўсқинлик қилди. Кераксиз вазиятларда очко йўқотганлигимиз бизга панд берди.

Яна бир бор жамоамиз раҳбарияти ва хомийларимизга, жамоамиз мухлисларига ўз миннатдорчилигимни билдираман, – дейди Анвар Бердиев.

Бекзод Толибов ёзиб олди.

Link :

Source : championat.asia

Receive latest football news directly on your phone. Subscribe for our Telegram channel!

Rating: +8