Анвар Бердиев: "Жасур Ўринов учун хурсандман"

"Қийин учрашув ўтказдик. "Шўртан" билан бу йилдаги учинчи тўқнашувимиз ҳисобланади. Улар жамоа сифатида яхши шаклланиб улгурган. Олдимизга қўйилган вазифани бажардик. Бизни қўллаб-қувватлаб турган барчага раҳмат айтаман. Футболчиларим охиригача ғалаба учун курашди. Бунинг самарасини кўрдик", - дейди мураббий. 

- Жамоа "Хоразм" билан сафарда суъний майдонда ўйнади. Йигитлар қийналганини кўрдик. Кейинги турни яна шундай майдонда "Арал Самали"га қарши ўтказасизлар. Футболчиларни тайёрлаш қийин бўлмаяптими?

- Баҳона бўлиб қолмасин, суъний майдонда футбол ўйнаш жуда қийин. Чунки ўзимиз футбол ўйнаган пайтларимизда мураббийларимиз суъний майдонга олиб чиқмас эди. Фақат қишда ноқулай ҳавода шуғулланганмиз. "Хоразм"га, "Арал Самали"га тезроқ табиий майдонга эга бўлишини тилаб қоламан. Ўйиндан бир кун олдин борамиз. Очиғи футболчиларимни бир неча кун суъний майдонда шуғуллантириб қийин аҳволга солиб қўймоқчи эмасман. Жароҳат олиш эҳтимоли юқори бўлади бунда. 

- Жасур Ўриновни ҳимояда ўйнатиш режалаштирилганмиди?

- Бизда 3та ҳимоячи ўйнаётганди. Уни ҳимояни олдига қўйдим. Стандарт вазиятларда бош билан яхши ўйнайди. Жасур Ўринов учун хурсандман. 

- Дониёр Исмоиловнинг қайтиши ҳақида...

- Тезда қўшилиб кетиш қийин барибир. Унинг қайтганидан мамнунман. Сафимизга қайтиш албатта фойдали. 

- Абдуғани Камолов ва Сардор Абдунабиев жароҳатдан қутулиб қачон қайтади?

- Сардор Абдунабиев алоҳида тартибда машғулотларга киришди. Абдуғани Камолов куни кеча жарроҳлик амалиётини ўтказди. Бу футболчилар иккинчи даврага тўлиқ тайёр бўлади. 

Азиз Ибрагимовнинг тажрибасига суяниб майдонга туширдик. Қўлидан келганча ҳаракат қилди. Ҳар қандай ҳолатда ўйинни кучайтиради.  Ғалаба бўлганидан кейин барчаси тўғри дейилади. Азизнинг ўрнига тушган Жасур Ўринов ғалаба голини урди.