Анвар Бердиев: "Дарвозабоннинг ҳаракатларини оқлаб бўлмайди. Керак бўлса, уни жазолашгача борамиз"
04 apr 00:59
News
![](https://championat.asia/upload/storage/786190_original.jpg)
![](/upload/storage/786190_220.jpg)
Анвар Бердиев: "Дарвозабоннинг ҳаракатларини оқлаб бўлмайди. Керак бўлса, уни жазолашгача борамиз"
- Ўйин ҳақида
- Ўйин тенг курашлар остида кечди. Тўп ўтказиб юборганимиздан сўнг, бизда ҳам вазиятлар бўлди. Улардан фойдалана олмадик. Олдинга чиқиб кетганимиз сабаб, иккинчи голни ўтказиб юбордик. Гол уриш учун дарвозага тепиш керак. Бизда вазиятлар бўляпти, аммо зарба йўқ. "Машъал"ни ғалаба бидан табриклайман.
- Дарвозабоннинг бугунги ҳаракати жуда шов-шув бўлиб кетди. Ўша вазиятга кўзингиз тушдими?
- Бу вазиятни кўра олмай қолдим. Футболчи билан гаплашиб олдим. Бу футболчи учун жуда ёмон нарса, оқлаб бўлмайдиган ҳаракат. Бу вазиятни таҳлил қилиб, керак бўлса дарвозабонни жазолашгача борамиз.
- Бугун бешта футболчини алмаштирдингиз. Захира футболчилари қанчалик ишончни оқлади?
- Жамоа ютқазгандан кейин улар ўйинни кучайтира олмади деган хулосага келиш мумкин.
- Кубок ўйинларида "Шўртан"нинг мақсади қандай?
- Ҳар бир ўйинда ғалаба қозониш. Лекин футболда омад деган нарса ҳам бор. Рақиб дарвозабони бугун яхши ҳаракат қилди. Дарвозабон голдан сақласа, жамоа ғалаба қозонади.
- Анвар ака, матбуот анжуманига кечикиб келишингизга нима сабаб бўлди?
- Футболчиларим билан қаттиқ суҳбатлашиб олдим. Кечикишимга айнан шу нарса сабаб бўлди. Улардан ўйинда шижоатлироқ бўлишларини талаб қилдим. Агар бу тарзда давом этсак, олдимизга қўйилган вазифага эришишимиз қийин бўлади.
- Кейинги ўйин "Арал"га қарши. Бу ўйин қандай ўтишини таҳмин қиляпсиз?
- Биринчи навбатда "Машъал"га қарши ўйинни таҳлил қилишимиз керак. Кўп нарсани майдондаги футболчилар ҳал қилади. Олдинги чизиқда ҳаракат қилаётган ҳужумчиларимиздан кўпроқ нарса талаб қилишимиз керак. Тўртта тур ортда қолди, ҳужумчиларимиз ҳали гол уришгани йўқ.
Similar news
![AMP Logo](https://championat.asia/image/logo-amp.png)
Comments