Анвар Бердиев: "Бу йил Про лигада ўткинчи ўйинлар бўлмайди"

"Ўйин жуда қийин бўлди. "Динамо" ўтган турда мағлубиятга учрагани учун биз билан ўйинда ҳужум қилишини ва кўпроқ олдинга чиқишини билгандик. Бизга омад кулиб боқди десак ҳам бўлади. Болларни ғалаба билан табриклайман. "Динамо" жамоасига ҳам яхши ўйин учун раҳмат айтиб қоламан. Кейинги ўйинларда уларга омад тилаб қоламан.

Футболда ҳар доим ҳар қандай ҳолатга тайёр бўлиш керак. Кубокда бу жамоага ютқазганимиздан кейин "Динамо" жамоасини ўйинларини таҳлил қилдик. Болларга керакли кўрсатмаларни бердик. Улар берган кўрсатмаларимизни тўлиқ бажаришди. Менмча, ҳозирда қайси жамоа тўлиқ тайёр бўлиб майдонга тушса ғалаба қозониши мумкин.

Бу йил ҳам мақсадимиз ўзгармаган. Суперлигага чиқиш ва ҳар бир ўйинда ғалаба қозониш. Кўряпсиз, бу йил Про лигада ўткинчи ўйинлар йўқ. Қизиқарли кураш кечмоқда. Суперлига йўлланмаси учун барча охиригача курашди.

"Истиқлол" жамоаси асосан ҳимоядан ўйин қилади. Уйимизда ўтказилган кубок ўйинидан кейин "Динамо"ни яхшилаб ўрганиб чиққандик. Бугунги ўйинга қўллаган тактикамиз иш берди деб ўйлайман",- дейди Анвар Бердиев.