Анвар Бердиев: "Аввал вазиятни кўриб чиқинг, кейин саволингизга жавоб бераман"

- Ўйин ҳақида...

- Ажойиб ўйин гувоҳига айландик. Ўйлайманки, учрашув мухлисларга манзур бўлди. Шогирдларим борини бериб, ҳаракат қилди. Кичик хатолар иккита гол ўтказиб юборишимизга сабаб бўлди. "Қўқон-1912"ни ғалаба билан табриклайман. Келгуси ўйинларга тайёргарлик кўришни бошлаймиз. 

- "Шўртан"нинг жорий мавсумдаги вазифаси қандай?

- Жамоа вазифаси — ҳар бир ўйинда ғалаба учун майдонга тушиш. Иккинчи давра аввалида ўзимизга керакли футбочилар билан таркибни кучайтирдик. Рақиб жамоага ҳам Суперлигага қайтиш вазифаси қўйилган. Бугун кўп жабҳада ютқазмадик, юқорида айтганимдек, кичик хатолар гол юзага келтирди. 

- "Шўртан"нинг кўпгина футболчисини майдонда тиббий ёрдамга муҳтож ҳолатда кўрдик. Бу ўйинчиларнинг жисмоний тарафдан яхши ҳолатда эмаслигидан далолат берадими ёки ўйин қўпол тарзда ўтганлигиданми?

- Сиз иккинчи голидан кейин кўрдингизми вазиятни?

- Тўғрисини айтаман, ўша вазиятни кўрмай қолдим...

- Аввал ўша вазиятни кўриб чиқинг, кейин менга шу саволни берасиз. Мен эса саволингизга жавоб бераман.