Англияда еврокубоклар учун сўнгги йўлланма қолди

Англиядан Европа чемпионлар лигасида «Манчестер Сити», «Ливерпуль», «Челси» ва «Арсенал» иштирок этади. Дастлабки учта клуб чемпионлик учун курашишмоқда. «Канонирлар» эса тўртинчи ўриндан юқорига кўтарила олмайди.

Европа Лигаси учун берилган учта йўлланманинг иккитаси ўз эгасини топди. 5-ўриндаги «Эвертон» ва Англия кубоги финалига чиққан «Халл Сити» кейинги йил нуфузи жиҳатдан иккинчи ўринда турадиган мусобақада Англия шарафини ҳимоя қилишади. Сўнгги йўлланма эса «Тоттенхэм» ёки «Манчестер Юнайтед»га насиб этади.