Англия Кубогининг 2020/21 йилги мавсумида такрорий баҳслар ўтказилмайди

Манбага кўра, Англия Кубогининг янги мавсумида ғолиб номи битта ўйин орқали аниқланади. Мусобақанинг илк босқичи 1 сентябр куни старт олади. Финал ўйини эса 2021 йилнинг 15 майига режалаштирилган.

Аввалги мавсумларда, Англия Кубогидаги такрорий баҳслар фақатгина бешинчи раунд (1/8 финал)дан бекор қилинарди.

Ўзгаришлар Англия Лига Кубогига ҳам таъсир қилади. Худди шу сабабларга кўра, ушбу мавсумда яримфиналлар одатдагидек иккита ўйин форматида эмас, балки битта ўйин шаклида ўтказилади.

Эслатиб ўтамиз,  Англия Кубогининг амалдаги ғолиби “Арсенал” ҳисобланади.