Англия чемпионати. “Голлар шоуси”да “Ливерпуль” ғолиб чиқди + ФОТО

Клопп шогирдлари биринчи бўлимнинг биринчи ярмига келиб мезбонлар дарвозасини икки бор ишғол этишгач, кўпчилик уларни осонлик билан ғалаба қозонишини тахмин қила бошлаганди. Аммо бўлим сўнггида Окадзаки ҳисобни қисқартирди. Иккинчи бўлимда тезкор қарши ҳужумдан кейин Хендерсон яна орадаги фарқни иккита тўпга оширди. Аммо бу голдан бир дақиқа ўтар-ўтмас Варди ҳисобни қисқартирди. Сал ўтгач, Миньоле з жарима майдончаси ичида айнан Вардига қўполлик ишлатгач, ҳакам меҳмонлар дарвозасига 11-метрлик жарима зарбасини белгилади. Варди томонидан йўлланган кучли зарба йўналишини Миньола топа олди.

Натижада турнинг марказий ўйинида “Ливерпуль” сафарда учта гол уриб, уч очко билан қайтадиган бўлди.

АПЛ, 6-тур.

“Лестер” – “Ливерпуль” 2:3

Голлар: 0:1 – 15 Салах, 0:2 – 23 Коутиньо, 1:2 – 45 Окадзаки, 1:3 – 68 Хендерсон, 2:3 – 69 Варди.

Лестер – Шмейхель, Морган, Чилуэлл, Симпсон, Магуайр, Марез (Грэй, 61), Ндиди, Кинг, Олбрайтон, Окадзаки (Ихеаначо, 74), Варди.

Ливерпуль –  Миньоле, Матип, Морено, Гомес, Ловрен, Коутиньо, Джан (Милнер, 75), Фирмино (Старридж, 64), Вейналдум, Салах, Хендерсон.

Огоҳлантириш:Олбрайтон (17), Ндиди (22), Матип (45), Ловрен (56), Миньоле (72).