Андрей Микляев: "Мавсумнинг очилиши учун ажойиб ўйин ўтказдик"
03 mar 2017 18:55
News

Андрей Микляев: "Мавсумнинг очилиши учун ажойиб ўйин ўтказдик"

Олий лиганинг 1-туридан ўрин олган "Машъал" - "Локомотив" (0:1) учрашувидан сўнг меҳмонлар устози матбуот анжуманида иштирок этди.

"Мавсумнинг очилиши учун ажойиб ўйин. Майдон ҳолати ҳам, об-ҳаво ҳам яхши. Бу ерга 3 очко олиш учун келгандик. Биз ташаббусга эга бўлдик. Иккинчи бўлим бошида гол уриб олгач негадир бўшашиб кетдик. Ўйин охирида ҳимояланишга мажбур бўлдик. Бир-икки вазиятда дарвозабонимиз яхши ҳаракат қилди. Натижадан қониқдим, мавсумни 3 очко билан бошладик.

ОЧЛ бу ОЧЛ, олий лига эса олий лига. "Машъал" яхши жамоа эканлигини биламиз. Ўтган йил кубок баҳсида бу клубга ютқазиб қўйгандик. Биз ҳар бир ўйинга ғалаба қозониш учун тушамиз.

"Машъал" ҳимояда жуда тартибли ҳаракат қилишди. Гол ўтказиб юборгач ҳужумда ҳам агрессив ҳаракат қилишди", - дейди Андрей Микляев.

"Машъал" матбуот хизмати

Link :

Source : championat.asia

Receive latest football news directly on your phone. Subscribe for our Telegram channel!

Rating: +6