Андрей Микляев: "Футболда гол урган жамоа ғалаба қозонади"

"Қийин ва муросасиз ўйин бўлди. "Пахтакор"га қарши беллашувларда ҳеч қачон осон бўлмаган. Бугун бизга озгина омад ҳам кулиб боққанини таъкидлаб ўтишим лозим. "Пахтакор" бугун яхши ўйнади. Иккинчи таймда кўпроқ ҳимояландик. Қўлга киритилган натижадан кўнглимиз тўлди. Муҳими уч очкога эга бўлдик. Нега мен матбуот анжуманига кираман, футболчиларга кўрсатмани эса Мирко Йеличич беради? Бу ҳақида жуда кўп гапирилган. Мирко Йеличич жамоанинг жисмоний ҳолатига жавобгар шаҳс ҳисобланади. Шу боис айнан Мирко ўйин пайтида футболчиларга кўрсатмаларни бериб туради. Мен асосан ташкилий масалалар билан шуғулланаман.

Ғалабага лойиқмидик? Гол урдикми, демак ғалабага муносибмиз. Неманья Яничич бугунги беллашувга ҳам деярли тайёр эди. Аммо уни ОЧЛдаги муҳим баҳс олдидан майдонга тушириб, таваккалга қўл урмоқчи эмасдик", - дейди Андрей Микляев.