Андрей Фёдоров: "Ўйин мураббийлар ва мен учун қийин ўтди"
12 may 2018 00:13
News


Андрей Фёдоров: "Ўйин мураббийлар ва мен учун қийин ўтди"
- Ўйин мураббийлар ва мен учун жуда оғир ўтди. Дастлабки 15 дақиқада биз босим остида қолдик ва тўпни назорат қила олмадик. Ўша паллаларда футболчилар ўзларини йўқотиб қўйишмаганига хурсандман. Кейинчалик урилган икки гол эса бизга керакли устунликни тақдим этди. Иккинчи таймда эса тезкор гол ўтказиб юбордик. Бироқ биз бўшашдик деб ўйламайман. Сабаби гол қандайдир тасодиф билан кириб кетди. Футболчиларни алмаштириш орқали баҳснинг боришини ҳам ўзгартирдик. Шу орқали биз натижага эришдик.
ОЧЛнинг 6 учрашуви футболчиларга катта юклама берди ва шу боисдан чемпионатда ҳам яхши ўйин кўрсата олмадик. Суперлига ҳақида тўхталсам, қизиқарли ўйинлар жуда кўп. Албатта бу менга ёқмоқда.
Каримов "Навбаҳор"га? Бизга бундай маълумот етиб келмади. Шерзод - "Локомотив" футболчиси. Агарда кимдир уни ўз сафида кўришни истаса, жамоамиз раҳбариятига мурожаат қилиши керак.
Жамоа менга қадар ҳам яхши ўйин намойиш этганди. Бироқ голлар кирита олмади. Ўйин бобида шуни айтаман мен келганимдан кейин ҳеч нима ўзгармади. Ҳозирда ҳужумда яхшироқ ўйнаб, кўпроқ голлар уриб турибмиз.
Биз кучли олтилик ҳақида ўйламаяпмиз. 22-тургача анча вақт бор ва вазиятлар ҳам ўзгариб кетиши мумкин. Шу боисдан кучли олтилик ҳақида ўйлашга ҳали эрта", - деди Фёдоров.
И.Алибоев: "Ўйиннинг бошланиш қисми қийин ўтди. 15 дақиқаликдан кейин ўз ўйинимизни топиб олдик. Кейинчалик чиройли ғалабага эришдик"
Similar news

Comments