Андрей Фёдоров: "Ҳисоб 0:0 бўлиб турган пайтда биз гол уриб олишимиз керак эди"

- Ўйиндан кейин тезда тахлил қилиш қийин. Сўнгги йиллар давомида "Металлург"га қарши ўйинлар қийинлашиб кетмоқда. Бугун ҳам шундай бўлишини кутгандик. Статистикага эътибор берсак, одатда биринчи бўлиб гол урган жамоа ғалабага эришмоқда. "Металлург"дан шундай ўйин кутгандик, чунки жамоа охирги пайтларда "Локомотив"га қарши катта куч билан ўйнамоқда. Бизда эса муаммо шундай бўляптики, вазиятлардан фойдалана олмаяпмиз. Ҳисоб 0:0 бўлиб турган пайтда биз гол уриб олишимиз керак эди. Ўшанда ўйин бошқача нотада кетарди. Шунингдек, ўйинни ўзгартириш учун бизда ижобий ҳиссиётлар етишмади.

Ундан ташқари, ҳужумда агрессивлик ва курашувчанлик ҳам бизда унчалик ўхшамади. Ҳозирча ёшларнинг бундай ўйинларда ўзини кўрсатиши учун маҳорати етишмаяпти. Ёшлар ўйиндан ўйинга энди улар ҳам тажриба тўплаб боришади. Шунингдек, жамоа ҳам секин-секин юқори жисмоний ҳолатини тиклаб олади. "Локомотив" менга қадар ҳам шундай ҳужумкор ўйин кўрсатган ва бундан кейин ҳам бу услуб ўзгармайди. Бундай ўйнаш жуда-жуда қийин. Биз ўз принципларимизда қоламиз. Шундан сўнг натижа ҳам келади. Буни кўп кутмаймиз.

Учта гол - "Локомотив" учун жуда кўп. Бу ғалабада "Металлург" посбонининг ўрни жуда катта. У бизнинг кўплаб зарбаларимизни қайтарди ва голлардан асраб турди.