Андрей Фёдоров: "Бу биз учун кучли руҳий зарба бўлди"

"Бундай ўйинни шарҳлаш оғир, нимага дейсизми сабаби иккинчи ўйиндирки катта ташаббусга эга бўлиб мағлуб бўлдик. "Сўғдиёна"дан шундай ўйин кутгандик, аммо ўтказилган голларда ўзимиз хато қилдик. Биринчи ўйинда бўлгани каби кўп имкониятлар бўлди, аммо гол ура олмадик. "Металлург" билан ўйиндан кейин хулоса чиқаргандик ва 4 кун давомида ҳужумларни якунлаш устида жиддий ишлагандик.

Ҳимояда ҳеч қачон бундай ўйнамагандик. Ҳозир руҳий ҳолат яхши эмас, аммо таркибимизда тажрибали футболчилар бор ва бундай вазиятдан чиқиб кетишга ишонаман. Бу ҳолатга тушиб қолишимизга фақат ўзимиз айбдормиз, бошқа ҳеч ким. Бундан чиқиб кетиш йўлларини излаймиз.

Такрорлайман бу кучли руҳий зарба бўлди. Буни тажрибали футболчилар ўзларига олишлари керак.

Марат Бикмаев кейинги ўйинга тайёр бўлса керак. Унинг йўқлиги биз учун катта йўқотиш ҳисобланади. Аслида бугунги ўйинга тайёрлагандик, аммо таваккал қилишга шошилмадик.

Мавсум бошида кўплаб етакчиларнинг кетиши қанчалик таъсир қилади? Албатта бу жуда оғир ҳолат. Бошқа футболчилар билан мавсумга тайёргарлик кўрасиз ва улар кетиб қолишса режаларимиз ўзгариб бораверади. Анзур Исмоилов, Ислом Тўхтахўжаев, Сардор Мирзаев ва Олег Зотеев каби футболчилар клубни тарк этишди. Аммо такрорлайман олдинга интилиш керак. Афсуски ҳозир уларни ўрнини боса олмаймиз, бироқ эртами-кечми ўринбосарлар чиқишади", - дейди Андрей Фёдоров.