Latest news

00:58Саудия Арабистони. Роналдудан 940-гол, Феликсдан хет-трик: "Ал Насср" мавсумни йирик ғалаба билан бошлади  0 00:17Лени Йоро: "Манчестер Юнайтед" "Арсенал"га қарши зўр ўйнади, "Фулхэм" билан ўйинда омад етишмади"  5 23:59Саудия Арабистони. "Ал Ҳилол" мавсумни ишончли ғалаба билан бошлади  2 23:46"Ливерпуль" ва "Рома" келишувга эришди  0 23:25"CAFA Nations Cup-2025". Эронда ғалаба, Тожикистон Ҳиндистонга ютқазди  0 22:55Суперлига. "Динамо" — "Андижон" ўйини 15 ноябрь куни ўтказилади  1 22:30"CAFA Nations Cup-2025". Тожикистон уйда Ҳиндистонга ютқазди   4 21:45Жалолиддин Машарипов: "Янги мураббийни кучлироқ ўйинларда яхшироқ билиб оламиз, Осиё жамоаларини мураббийсиз ҳам ютганмиз"  28 21:20Жамшид Искандеров: "Ҳужумкор ўйнаймиз, лекин ҳар бир рақибни ҳурмат қиламиз"  4 21:00Бир ўйин тарихи. Ўмон - Ўзбекистон 4:2. Футболимиз тарихидаги энг ғалати мағлубият қандай юз берганди?  19 20:30Бир ўйин тарихи. Ўмон Ўзбекистонни Олмалиқда қандай мағлуб этганди? Аҳмедов дебют қилган, ПСЖ собиқ мураббийи Қосимовни енгган ўйин  2 20:06Интервью. Валерий Кичин: "Бухоро" кубокда сенсация қилса керак, "Нефтчи" чемпионликни қўлга киритиши мумкин"  3 19:39"Челси" собиқ футболчиси фаолиятини "Севилья"да давом эттиради  0 19:12Саудия Арабистони клуби Грузия терма жамоаси ҳужумчиси учун 40 миллион евро тўламоқчи  0 18:39Аморим "Гримсби" билан ўйиндан кейин истеъфога чиқмоқчи бўлганини айтди  4

Андрей Демченко: "Агар битта ўйинни ютсак ҳаммаси жойига тушади" News

Андрей Демченко: "Агар битта ўйинни ютсак ҳаммаси жойига тушади"

Олий лиганинг 18-туридан ўрин олган "Обод" - "Бухоро" (2:3) учрашувидан кейин матбуот анжумани ташкил этилди.

Матбуот анжуманининг иккинчи қисмида "Обод" бош мураббийи Андрей Демченко саволларга жавоб қайтарди. 

- Ғалаба қозонмас экансан, ҳатто журналистлар ҳам камайиб кетади, - дея сўз бошлади украиналик мутахассис. - Футболда ҳамма нарса натижага боғлиқ: ҳаёт, оила, машғулот, раҳбарият муносабати. Ютсанг зўр, ютқазсанг муаммолар келиб чиқаверади. Энди ўйин ҳақида гапирадиган бўлсам, футболчиларимиз қандайдир чуқурликка тушиб қолгандек бўлишди. Балки уларни Қўқондаги мағлубият тушкунликка тушириб қўйгандир. Натижада иккита оддий голни ўтказиб юбордик. Футболчиларда ҳаяжон бор ва бунинг таъсирида ўйин тизгини қўлдан чиқарилди. Лекин иккинчи таймда кўрдик, бизда куч бор, йўқса иккита гол ура олмасдик. 

- Ўтказиб юборилган голларда ким айбдор: дарвозабонми ё ҳимоя чизиғими? 
- Голлар одатда элементар хатолардан бошланади ва бунда ҳаммани айблаш мумкин. Битта хато занжирдек бир-бирига боғланиб якунда голга олиб келиши мумкин. Дарвозабон эса халқанинг охирги тугмаси ҳисобланади.  

- Сизнингча, жамоа ўсяптими? 
- Аввалги иккита ўйинда гол ура олмагандик, бугун эса уддасидан чиқдик. Шуни айтишим мумкин, биз тўғри йўлдамиз. Жамоа ўсяпти, лекин натижа кўрсатиш учун бизга вақт керак. 

- "Бухоро" "Обод"дан қайси томонлама кучли кўринди? 
- Уларда ўйин яхши қўйилган экан, ҳозирча ўзимиз ҳақида бундай дея олмайман. 

- Ўзбекистонга келиб учта ўйин ўтказдингиз ва учаласида ҳам мағлуб бўлдингиз. "Обод" бошқалар олдида ростан кучсизми? 
- Футболда ҳамма статистикага қараб баҳо беради. Одамларда учта ўйин - учта мағлубият, демак "Обод" кучсиз экан тасаввур бўлиши мумкин. Лекин шуни ишонтириб айтаманки, биз ҳеч ким учун совға бўлмаймиз. 

- Яқинда миллий терма жамоамизнинг ўйинлари туфайли олий лигада танаффус юзага келади. Бу жамоангиз учун фойдали бўлиши мумкинми? 
- Ҳозирги ҳолатда танаффус бизга фойда беради деб ўйлайман, чунки жамоани иккинчи давра бошланишига ўн кун қолганида туздик ва футболчилар бир-бирларини тушуниб кетиши учун вақт керак. Учиб кетаётган самолётни тўхтатиб таъмирлашнинг иложи йўқ, уни аввал ерга қўндириш керак. Танаффус ҳам биз учун ерга қўнадиган пайт бўлади ва ўз камчиликларимизни билиб оламиз. 

- Балки "Обод"нинг таваккал ўйнагани маъқулдир, ўхшаса ўхшади - ўхшамаса йўқ. 
- Шунчаки омад келиб қолар деган маънода тўп тепишдан фойда йўқ. Жамоа ҳар қандай ҳолатда ҳам ўз услубига таянган ҳолда ҳаракат қилиши керак. Пойдевор бўлмаса уй тез йиқилади, футболда ҳам шундай. Умид қиламанки, битта ғалабага эришсак ҳаммаси жойига тушади. 

Х.Холиқов. 


Rating: +8   

Comments

championat.asia
< show latest news
Яндекс.Метрика