Андре Виллаш-Боаш: «Зенит» билан чемпион бўлишни истайман»

«Ҳайрли кун. Бу ерда сизлар билан кўришиб турганимдан хурсандман. «Зенит»да икки ярим йил ишлайман, барча мақсадларим клуб билан мос тушди. «Зенит» билан катта ғалабаларни қўлга киритмоқчиман.

Дастлабки мақсадимиз – чемпион бўлиш. Қолган 9та ўйинда ғолиб бўлиб. Кеча жамоанинг ўйинини кўрдим, иштиёқдан хурсанд бўлдим. Биргаликда биз мамлакат чемпионлигини қўлга кирита оламиз.

Бундан ташқари мен Лучано Спаллеттига миннатдорчилик билдирмоқчиман, президент айтганидек клуб тарихида ёрқин из қолдирди. Мен ҳам улкан натижаларга эришишга ва из қолдиришга умид қиламан.

Сергей Семак қисқа вақт ичида клуб билан ишлади, кеча у бошчилигида футболчилар жуда ажойиб ўйнашди. Дортмундда жамоа ақлли футбол намойиш этиди, буни янада ривожлантириш учун ўз маҳоратимни ишга соламан», – дейди Виллаш-Боаш.

Эслатиб ўтамиз, португалиялик мураббий Россия клуби билан 2016 йилгача шартнома тузди. Виллаш-Боаш Петербургда йилига 8,5 миллион евро маош олади.