"Андижон": Мухлислар “Навбаҳор” билан ўйинга ўзгача тайёргарлик кўрмоқда

Гарчи “Андижон” – “Навбаҳор” баҳси шу куни ўртоқлик мавомини олган бўлсада, мухлислар томонидан мазкур учрашувга бўлган қизиқиш юқори дейиш мумкин. Сабаби водий жамоалари иштирокидаги ўйинлар доимо ҳар қандай мақомга эга бўлишидан қатъий назар, муросасиз ва шиддатли рухда ўтади. Шунинг учун чоршанба оқшомидаги ўйинга ҳар иккала жамоа фанатларининг қизиқиши баланд. Маълумотларга қараганда, Намангандан ҳам бу ўйинга бир гурух мухлислар келиши кутилмоқда.

Андижонлик мухлислар гарчи жамоа биринчи лигада иштирок этаётган бўлсада, футболчиларни ёлғизлатиб қўйишмаяпти. Яқинда “Нефтчи” ёшлар жамоасига қарши кечган ўйинга ҳам кўплаб ишқибозлар ташриф буюрди.

“Навбаҳор” билан ўйинда ҳам улар “Андижон”ни қизғин қўллаб-қувватлашни режалаштирмоқда.

Умид қиламизки, футболчиларимиз қўшниларимиз олдида уялтириб қўйишмайди. Эслатиб ўтамиз, мазкур ўйин “Соғлом авлод” стадионида, соат 18:45да бошланиши режалаштирилган. Шуни сайтимиз ўқувчиларига маълум қилардикки, ўйин бу вақтдан олдин ёки бироз кейин бошланиши хам мумкин. Шу боис стадионга бироз вақтлироқ келинса мақсадга мувофиқ бўларди.