Latest news

16:30Хаби Алонсо "Байер"дан Мадридга асосий ҳимоячисини олиб кетади  0 16:02Салиба жароҳати сабаб Миллатлар Лигаси финал босқичини ўтказиб юборади  4 15:35"Барселона" "Вест Хэм" ва Бундеслигада ишлаган топ-менежер билан музокаралар ўтказмоқда  0 15:08УEФА Евро-2028 мезбонларига гуруҳ босқичидан жой кафолатламайди  1 14:40Роналдиньо ўзини Месси ва Ямаль билан қиёслади  25 14:14Сергей Чигодаев: "CAFA U-17 – ўсмирлар ўртасидаги Осиё Кубогининг мини-версияси. Мақсадимиз – шу ёшдаги энг яхши футболчиларни саралаб олиш"  3 13:41Карвахаль Трент билан рақобат ҳақида гапирди  1 13:13Ямалнинг иш ҳақи оширилади. У "Барса"да энг кўп маош оладиган футболчилар учлигига киради  4 12:46"Олтин тўп"га даъвогарларнинг янгиланган рейтинги эълон қилинди. Ким фаворит?  18 12:15Гвардиола Де Брюйненинг хайрлашув ўйини ҳақида: "Кевин сотиб олиб бўлмайдиган чексиз муҳаббатга эришди"  2 11:48"Ал Иттиҳод"нинг асосий трансфер мақсади аниқ: Клуб АПЛ юлдузи учун 120 млн евро тўламоқчи  0 11:20Гарначо: "Финалгача ҳар босқичда майдонга тушдим, жамоага ёрдам бердим ва бу ўйинда 20 дақиқа ўйнадим..."  12 10:58Варди фаолиятини АПЛнинг бошқа жамоасида давом эттириши мумкин  1 10:31МЮ барча даврларнинг антирекордини такрорлади  12 10:05Сон Хён Мин илк совринини қўлга киритганидан сўнг йиғлаб юборди  9

Андижонлик футбол мухлисларидан очиқ мактуб News

Андижонлик футбол мухлисларидан очиқ мактуб

23 июль куни андижонлик футбол мухлисларини ҳайрон қолдирган миш-мишлар тарқала бошлади.

Вилоятнинг бош жамоасида раҳбар ўзгариши тўғрисидаги хабар кейинроқ рад қилинган бўлса-да, ҳануз ишқибозлар хавотири пасайган эмас. Атрофда "бургутлар" бош директори Улуғбек Мирзаев истеъфога чиқарилиши ва унинг курсисига даъвогарлик қилаётганлар ҳақида гап-сўзлар айланишда давом этяпти. Мабодо шундай бўлса, эҳтимолий ўзгариш жамоамизга қандай таъсир қилади? Бу саволга жавоб топиш учун ўз вақтида Тошкентнинг "Бунёдкор" клубини бошқарган Мирзаев "Андижон"га нима бера олганига қарайлик.

1) Самарали селекция. Йил бошида жамоамизга аутсайдер сифатида қараганлар талайгина эди. Таркибда жарангдор номлар йўқлиги мухлислар кўнглига хавотир солгани ҳам рост. Бироқ, мавсум бошланиши билан жамоа тузишда номлар эмас, сифатга аҳамият берилгани ойдинлашиб қолди. XXI асрда илк бор "Насаф" майдонида ғалаба қозонилгач, ҳамма жамоамиздан қўрқиб қолди. Раҳбариятнинг янги топилмаси — "Олтин бутса" учун курашаётган Рубин Хебай мухлислар ёқимтойига айланиб қолди. Унга бошқа клублардан фаол қизиқиш билдириляпти.

2) Амбиция ўзгарди. Ўзбекистон чемпионатлари тарихига назар солсак, андижонлик ишқибозлар охирги марта 2010 йилги мавсумни хотирижам ўтказишган экан. Ўшандан кейинги мавсумларнинг ҳаммасини жамоамиз аутсайдерлар зонасида элитадаги ўрнини сақлаб қолиш учун кураш билан ўтказган. Мирзаев қисқа муддат ичида ички менталитетни ўзгартириб, жанговар жамоа қура олди. 13 йил деганда "бургутлар" турнир жадвалининг биринчи қисмидан муқим жой топишди.

3) Мақсад қўйилди. "Андижон" биринчи даврани топ-6'ликда якунлаганини биласиз. Бу клубимиз тарихида сўнгги 30 йилда қайд этилган энг яхши натижа ҳисобланади. Энг қизиғи, сафарда "Насаф" ва "Олимпик" мағлуб қилинганида ҳам, "Металлург" дарвозасига жавобсиз 5та гол урилганида ҳам футболчилар маош ва мукофотларини олмасдан ўйнашаётган эди. Бутун бошли жамоани бундай узоқ муддат пулсиз ушлаб туриш ҳам, уларга қуруқ гап билан мотивация бериш ҳам осон эмас. Лекин бу иш уддаланди. Энди эса раҳбарият ўз олдига аниқ мақсад қўйган. Таркибни янада кучайтириб, иккинчи даврада совринли ўринлар учун курашмоқчи. Омад келса, жамоамиз тарихидаги энг яхши натижа (5-ўрин) янгиланиши ҳам мумкин. 

Хуллас, Мирзаев 4 ой ичида чақилмас ёнғоққа ўхшайдиган жамоа тузишни уддалади. 13 йил деганда биринчи марта аутсайдерлар зонасидан анча узоқда юрибмиз. Ишлар эндигина юриша бошлаганида клубнинг ёмон кунларини пана-пастқамларда ўтказган кишилар раҳбарлик учун даъво қиляпти. Бугун уларга ишониш орқага ташланадиган қадам эмасми? Ўзи умуман ҳаммаси яхши кетаётган жойда ўзгариш нега керак? Улуғбек кеча "Бунёдкор"да эди, бугун "Андижон" учун ишлаяпти. У эртага ҳам ишсиз қолиб кетмаслиги аниқ. Лекин "Андижон" жамоамиз яхши раҳбар топа олмаса керак.

Rating: +14   

Comments

championat.asia
< show latest news
Яндекс.Метрика