"Андижон"га польшалик ҳимоячи келмоқда
09 jul 2025 14:32
News

"Андижон"га польшалик ҳимоячи келмоқда

"Бургутлар" иккинчи даврадан олдин трансферларни бошлаб юборишди.

Championat.asia сайти маълумотига кўра, польшалик марказий ҳимоячи Кристиан Новак ёзги трансфер ойнаси вақтида "Андижон"га кўчиб ўтади.

1994 йилда туғилган Новак 1.88 см бўйга эга. У фаолияти давомида Польшанинг кўплаб клубларида, шунингдек, "Харт оф Мидлотиан" (Шотландия), "Панионис" (Греция), "Славен" (Хорватия), "У Клуж" (Руминия), "Богемиан" (Ирландия) ва "Женис" (Қозоғистон) клубларида тўп тепган.

Бугун, 9 июль куни "Женис" билан шартномаси якунланди ва эркин агентга айланди. Transfermarkt портали футболчини 150 минг еврога баҳоламоқда.