"Андижон" мураббийи: "Фаолиятимда бундай ҳолатга илк бор дуч келдим"

"21 кун жисмоний тайёргарликни маромига келтириш учун етарли бўлмади. Шу сабабдан захирадаги футболчиларимиздан фойдаландик.

Иккита пенальтидан гол урган бўлсакда якунда ғалабани қўлдан чиқардик. Вазиятлардан унумли фойдаланганимизда ғалаба билан қайтардик. Сўнгги дақиқаларда диққатни йўқолиши ҳисобни тенглашишига олиб келди. Иккала жамоага миннатдорчилик билдираман. Юқори даражада баҳсни ўтказиб беришди.

Томошабинларсиз ўйин? Фаолиятимда бундай ҳолатга илк бор дуч келишим. Ўртоқлик учрашувларида майдонга тушганимизда ҳам мухлисларимиз стадиондан туриб қўллаб-қувватлаб турарди.

Бешта футболчи алмаштиришга муносабатим қандай? Юқорида ҳам айтиб ўтдим 20 кун жисмоний томондан тикланишга етмайди. Захирадан майдонга тушган футболчиларни айбдор қилмоқчи эмасман. Ютуқ ва мағлубият бари жамоаники. Лекин, захирадан қўшилган ўйинчилар ўзини оқламади.Улардан ўйинни кучайтиришларини кутгандик. Бизда "Бухоро"га қараганда вазиятлар кўпроқ бўлди", - дейди Диёр Мирзабоев.