“Андижон” икки нафар янги футболчи билан шартнома имзолади
23 jul 2019 17:19
News

“Андижон” икки нафар янги футболчи билан шартнома имзолади

Пойтахтдаги ўқув-йиғин машғулотларини якунлаган Александр Хомяков бошчилигидаги “Андижон” жамоаси бугун Андижон шаҳридаги спорт-қароргоҳига йиғилди.

"Бургутлар" 27 июль куни “Бухоро” жамоасига қарши бўладиган учрашувга тайёргарликни бошлади.

Хабарингиз бор, Тошкентдаги йиғинда “Локомотив” ва “Динамо” жамоаларига қарши назорат учрашувини ўтказган "Андижон" бир қатор янги футболчиларни кўрикдан ўтказган эди.

Ўтган мавсумда “Андижон” жамоасини Суперлигага чиқишида ўз ҳиссасини қўшган Даврон Исоқов айни пайтда клуб офисига ташриф буюриб, “Андижон” жамоаси билан шартнома имзолади.

Шунингдек, аслида андижонлик бўлган, “Бунёдкор” жамоасидан ташриф буюрган ярим ҳимоячи Сардор Азимов (расмда) ҳам “Андижон” жамоаси билан шартнома имзолади.

Сардор Азимов 19-рақамда, Даврон Исоқов эса 29-рақам остида тўп сурадиган бўлди.