Анчелотти: "Ўзгартириш туфайли Риберининг реакциясини тушунмадим, у билан гаплашиб олмоқчиман"
13 sep 2017 15:49
News

Анчелотти: "Ўзгартириш туфайли Риберининг реакциясини тушунмадим, у билан гаплашиб олмоқчиман"

"Бавария" бош мураббийи Карло Анчелотти "Андерлехт"га қарши Чемпионлар лигаси гуруҳ босқичининг 1-тур учрашувида ярим ҳимоячи Франк Риберининг ўзгартиришдаги реакцияси ҳақида фикр билдирди.

Франциялик футболчи 78-дақиқада алмаштирилганидан норози бўлди. У ғазабда футболкасини ечиб, захира ўриндиғига отиб юборди.

"Футболчи 90 дақиқа ўйнашни исташини тушунаман. Бироқ уларни ёмон ўйнагани учун эмас, дам олишга алмаштирганимни ҳам тушунишлари керак. Ўйин назорат остида эди, якшанба куни унда баъзи муаммолар бўлди, Рибери машғулотда қатнашмади, шу сабабли унга дам олиш имкониятини бердим. Унинг реакциясини тушунмадим ва Франк билан гаплашиб оламан. У хафа эди" - дейди Анчелотти.