Анчелотти: “Эвертон” уйда сафардагидан ёмонроқ ўйнамоқда”

“Бугун бизнинг кунимиз эмасди. Ўйин бошида жуда кўп хатоларга йўл қўйганимизни тушунолмаяпман. “Астон Вилла” ғалаба учун катта иштиёқ билан ҳаракат қилди. Бизда эса акси. Жамоам еврокубокларга йўлланма берадиган ўрин учун курашаяпти. Бироқ уй учрашувларимизда жуда катта қийинчиликларга дуч келаяпмиз. Шунисига бироз тушунмаяпман. Биз ўтган ҳафта сафарда “Арсенал”ни мағлуб этгандик. Албатта, ўз уйимизда бунданда яхшироқ ҳаракат қилишимиз лозим. Ишониш қийин, бироқ сафардаги ўйинларимиз статистикаси уйдагига нисбатан анча фарқ қилади. 

Мавсум ҳали якунлангани йўқ. Олдимизга қўйилган мақсад сари интилишда давом этамиз”, дея мураббийнинг сўзларидан иқтибос келтирмоқда ВВС.

“Астон Вилла” 33 учрашув ўтказиб, 48 очко билан АПЛ турнир жадвалида 9-поғонада бормоқда. “Эвертон” эса 52 очко билан саккизинчи поғонани банд этган. Ливерпулликлар ўз майдонларида қаторасига бешинчи учрашувда ғалаба қозона олишмаяпти.