Анчелотти: "Агар бизда VAR тизими бўлса, нега ундан тўлиқ фойдаланишмайди?"
04 mar 2019 11:14
News

Анчелотти: "Агар бизда VAR тизими бўлса, нега ундан тўлиқ фойдаланишмайди?"

"Наполи" бош мураббийи Карло Анчелотти А Сериянинг 26-турида "Ювентус"дан учралган мағлубият (1:2) ҳақида гапираётиб, эътиборни дарвозабон Алекс Мерет четлатилишига қаратди.

Баҳснинг 25-дақиқасида "Наполи" ҳимоячиси тўпни посбонга узатаётиб, хатога йўл қўйди. Роналду тўпни эгаллаб, дарвозабонни алдаб ўтишга уринди ва Мерет томонидан йиқитилди.

"Бу баҳсли вазият эди. Агар бизда VAR тизими бўлса, нега уни тўлиқ ишлатишмайди? Вазият тоза қизилга арзимасди, чунки Криштиану тўпга ета олмаган бўлиши мумкин. У бурчак байроқчаси томон кетаётганди. Четлатиш ўйин тақдирига жиддий таъсир кўрсатди.

"Ювентус" бу мавсум яқинлашишимизга йўл қўймади. Аммо бу ўйин келажакда уларга қарши ишончли ҳаракат қилишга ёрдам беради.

Мавсумни яхши ўтказяпмиз, тактикани ўзгартириб, ёшроқ футболчиларни жалб қиляпмиз. Биз ўз сифатларимизга ишонишимиз керак" - дейди Италиялик мутахассис.

Link :

Source : Football Italia

Receive latest football news directly on your phone. Subscribe for our Telegram channel!

Rating: +12