Ана холос! Роналду "Реал"дан ёзда ўзини сотишларини сўради

32 ёшли португалиялик мадридликлар раҳбариятидан ёзда ўзини 100 миллион евродан кўп бўлмаган суммага сотишларини сўради. Криштианунинг клуб билан 2021 йилгача мўлжалланган шартномасида товон пули 1 миллиард евро деб кўрсатилган.

Ҳужумчининг агенти Роналду "Реал"дан кетиш учун курашаётгани ҳақида ПСЖ ва унинг собиқ клуби "Манчестер Юнайтед"га хабар қилган.

Футболчининг мадридликлар президенти Флорентино Перес билан муносабатлари ёмонлашган. Аҳвол шу даражадаки, футболчи Перес билан ҳатто гаплашишни ҳам хоҳламаяпти. Форвард жамоа ва ўзи ўртасидаги шахсий шартномага мувофиқ маошининг оширилмагани учун Переснинг сўзида турмаганидан норози. Айни пайтда Кришти Лионель Месси ("Барселона") ва Неймар (ПСЖ)дан кам маош олмоқда.