Амиржон Сафаров: “Қўқонга фақат ғалаба учун борамиз”
12 jun 2019 17:24
News
Амиржон Сафаров: “Қўқонга фақат ғалаба учун борамиз”
- Футболга кириб келиш қандай бўлган?
- 1995 йил Самарқанд шаҳарда туғилганман. Акам Акмал Сафаров Мотрид маҳалламиздаги футбол тўгарагига қатнарди. Акамга ҳавас қилиб, 2006 йилдан бошлаб 11 ёшимдан биринчи мураббийим Саме Эгамбердиев қўл остида футбол сир-асрорларини ўрганишни бошлаганман.
- “Динамо”даги фаолият қандай бошланганди?
- 2016 йил “Динамо” билан биринчи лигада ўйнагандим. Мақсадимиз олий лигага чиқиш эди ва шу йил биринчи лигада тўпурар бўлгандим. Жамоам эса олий лигага чиққанди. 2017 йилдан олий лигада ўйнай бошлаганман.
- Нима учун айнан ҳужумчи бўлгансиз ёки мураббий маслаҳат берганми?
- Ҳужумчи бўлиш ва гол уриш ёқади. Ёшлигимдан ҳужумчиларни кўриб ҳавас қилардим ва ҳужумчи бўламан деб ният қилганман.
- Бу мавсум Суперлигага қайтарилган “Динамо”нинг ишлари чакки эмас. Мавсум охирида қайси ўринни эгаллаймиз деб ўйлайсиз?
- “Динамо”нинг мақсади иложи борича юқори ўринларга чиқиш. Ҳар бир баҳсда майдонга ғалаба учун тушамиз.
- “Динамо” ўз майдонида исталган рақиб билан тенгма-тенг ўйнамоқда ва умуман ютқазмаяпти. Бироқ сафардаги баҳсларда бунинг буткул аксини кўраяпмиз. Бунга бирор сабаб айта оласизми?
- Тўғри сафардаги ўйинларимиз ижобий бўлмаяпти. Буни тўғрилашга ҳаракат қиламиз. Сафардаги учрашувларда ҳам ғалаба қозониш ва ҳужумкор ўйнашга интиламиз. Барибир исталган клуб ўз майдонида, ўз мухлислари қаршисида янада кучли ўйнайди.
- Суперлиганинг 11-турини водийда “Қўқон-1912”га қарши ўтказасизлар. Бу ўйин Қўқондаги стадионнинг очилишига тўғри келмоқда...
- Қўқонда шу куни стадионнинг очилиш маросими бўлиб ўтишидан хабаримиз бор. Лекин биз Қўқонга фақат ва фақат ғалаба учун борамиз. Уёғини ўйин кўрсатади.
Similar news
championat.asia
ЕЧЛ. "Реал Мадрид" ўз уйида "Манчестер Сити"га ютқазди
ЕЧЛ. Дастлаб гол ўтказиб юборган "Барселона" якунда "Айнтрахт"ни мағлубиятга учратди
"Хоразм" Суперлигада қолди, "Бухоро" Нукусга боради
Николя Пепе: "Роналду Месси ҳақида жуда кўп гапиради. "Наруто"да ким тинмай валдирайди? Саске. Ким жим юради? Наруто"
Comments