Амин Али Ҳусайин: "Ўзбекистон ҳақли ғалабага эришди"

Дастлаб меҳмонлар устози Амин Али Ҳусайин журналистлар саволларига жавоб берди.

"Биринчи навбатда мен Ўзбекистонни ғалаба билан табриклайман. Ўйин қийин бўлишини билардик. Биз Осиёнинг энг кучли терма жамоаларидан бирига қарши ўйнадик. Кеча ҳам айтгандим, Ямандаги оғир вазият туфайли ўйинга етарли даражада тайёрлана олмадик. Бугун дурангга эришмоқчи эдик, агар стандарт вазият бўлмаганида балки ўзимизга керакли натижага эришармидик, афсуски мағлубиятга учрадик. Футболда мағлубиятни ҳам тан олиш керак, йигитларим мардонавор ўйнашди. Кейинги ўйинларда гуруҳдаги вазиятни ўнглашга уринамиз", - дейди Амин Али Ҳусайин.

- Фақат гол ўтказиб юборгандан кейингина жамоаингиз кўпроқ ҳужумга ўтдингиз, нима учун бу голга қадар қилинмади?

- Бизнинг асосий мақсадимиз ҳимояда ўйнаш ва дурангга эришиш эди. Гол ўтказиб юборганимиздан сўнг қарши ҳужумга ўтишга уриндик. Бизда битта имконият бўлди.

- Бунга қадар жамоаингиз КХДР ва Филиппинга қарши баҳсларда ҳам ютқазганди. Бугун ҳам мағлубият. Учта жамоани таққослаб бера оласизми?

- Учала жамоанинг ҳам кучли жиҳатлари бор, учала ўйин ҳам қийин бўлди. КХДР, Ўзбекистон ва Филиппин кучли, Баҳрайн билан ҳали ўйнамадик, бу жамоа ҳам кучли.

- Фикрингизча бугун Ўзбекистон ўз имкониятни қанчалик намойиш эта олди?

- Бугун таркибимизда илк бор майдонга тушган футболчилар бор эди. Бугунги ўйинда рақиб ғалабага ҳақли эди. Ўзбекистон ҳақли тарзда ғалабага эришди.

Нарзулла Сайдуллаев