Алли қишда "Тоттенхэм"ни тарк этиши мумкин

Манбанинг хабарига кўра, агар қулай таклиф бўлса, "шпорлар" англиялик футболчини қўйиб юборишга тайёр.

Аллидан воз кечиш ташаббускорларидан бири жамоа бош мураббийи Антонио Конте бўлиб, у ортиқ ярим ҳимоячининг хизматига муҳтож эмас. Алли билан бирга ярим ҳимоячи Танги Ндомбеле ва ҳужумчи Стивен Бергвейн ҳам жамоани тарк этиши мумкин.

Алли жорий мавсумда "шпорлар" сафида АПЛда 10 та ўйин ўтказиб, атиги битта гол урган. Англиялик футболчи 2015 йилнинг ёзида "Тоттенхэм"га ўтганди. Ўшандан бери у клуб либосида 269 та ўйин ўтказиб, 67 та гол урган ва 61 та голга ассистентлик қилган.