Алли ўз уйида босқинчилар томонидан калтакланди

Манбага кўра, “Тоттенхэм” ярим ҳимоячиси Деле Алли 12 майга ўтар кечаси ўз уйида ўғрилар томонидан калтакланди.

Маҳаллий вақт билан 00:30да пичоқ билан қуролланган икки киши футболчининг уйига бостириб кирган. Бу вақтда Алли уйда рафиқаси ва дўстлари билан бўлган. Қонунбузарлар Деленининг юзига уришган, шунингдек, унинг яна бир дўсти ҳам жабрланган.

Ўғрилар Richard Mille ва Audemar Piguet номли қимматбаҳо соатларни олиб кетишгани айтилмоқда. Бундан ташқари, Мэй бренди остидаги заргарлик буюмлари ҳам ўғирланган.

Полиция воқеа юзасидан суриштирув ишларини олиб бормоқда ва ҳозирда ҳеч ким ҳибсга олинмаган. Хабар келтиришича, футболчининг уйига ҳужум қилиш олдиндан режалаштирилган.