Аллегри: "Роналдунинг голи футбол тарихида энг чиройлиси, деб ўйламайман"
04 apr 2018 10:56
News

Аллегри: "Роналдунинг голи футбол тарихида энг чиройлиси, деб ўйламайман"

Кеча ЕЧЛ чорак финал дастлабки учрашувида Мадриднинг "Реал" клуби Туринда "Ювентус" жамоасини йирик 3:0 ҳисобида мағлубиятга учратди.

Учрашувдан сўнг "Ювентус" бош мураббийи Массимилиано Аллегри ўз фикрларини билдириб ўтди.

"Реал Мадрид" клуби футболчиси Криштиану Роналду туринликлар дарвозасига иккинчи голини қайчи услубида урди. Кўпчилик футбол мухлислари ва мутасаддилари ушбу голни футбол тарихидаги энг чиройлиси дея эътироф этишмоқда. "Ювентус" бош мураббийи Аллегрининг фикрича тарихда бундан ҳам чиройли голлар бўлган.

"Криштиану Роналдунинг голи футбол тарихидаги энг чиройлиси, деб айта олмайман, лекин унинг кеча Буффон дарвозасига урган иккинчи голи даҳшатли голлар қаторига киради. Ҳозирги кунда амалга ошираётган ишлари билан Роналдуни табриклаш мумкин", - дейди Аллегри