Аллегри: "Чемпионлар лигасини ютиш учун "Ювентус"да яхши имконият бор"
16 may 2015 12:43
News

Аллегри: "Чемпионлар лигасини ютиш учун "Ювентус"да яхши имконият бор"

"Ювентус" бош мураббийи Массимилиано Аллегри "Интер"га қарши Италия чемпионати 36-тур учрашуви олдидан Берлинда бўлиб ўтадиган "Барселона"га қарши Чемпионлар лигаси финали ҳақида ўйлашга эрта эканлиги ҳақида таъкидлади.

"Ҳаммасининг ўз вақти бор. Аввалига "Интер"га қарши ўйинга тайёргарлик кўриш керак. Кейин эса "Лацио"га қарши Италия Кубоги финалига тайёргарлик кўрамиз. Кейинроқ эса "Наполи" билан ўйин бор. А Серия чемпионлиги муносабати билан байрам уюштирамизми, йўқми, билмайман. Ушбу баҳслар тугаганидан сўнг бироз дам олиб, Чемпионлар лигаси финалига тайёргарликни бошлаймиз.

"Барселона"га қарши ўйиндан олдин кучни тежаш лозим. Бу финал ва ушбу ўйинда рақибимиз жуда кучли эканлигини биламиз. Чемпионлар лигаси финали ҳеч қачон осон ғалаба билан тугаган эмас. Финал 6 июнда бўлиб ўтади ва бу санани олдинроққа сура олмаймиз" - дейди Аллегри.

Link :

Source : championat.com

Receive latest football news directly on your phone. Subscribe for our Telegram channel!

Rating: