Аллегри аутсайдер билан дурангдан кейин: "Биз ҳам одаммиз"

"Мен ғазабланмаяпман ва умидсизликка тушмаяпман. Рақиблар олқишларга лойиқ ўйин кўрсатди. Асосийси гол ўтказиб юбормадик ва "Наполи"дан 5 очко олдиндамиз. Барча "Ювентус" "Лацио" билан ўйинда очко йўқотишини кутганди, бироқ очкони бугун йўқотдик. Жамоа бироз дам олиши керак, чунки улар 3та катта турнирда бирданига кураш олиб боришмоқда. Айни дамда А Серияни бошқариб боряпмиз, ЕЧЛнинг ярим финалида ва Италия кубогида майдонга тушамиз. Буларнинг барчасида иштирок этиб, кўп кучни йўқотамиз. "Ювентус" таркибида одамлар ўйнайди, роботлар эмас", - деди Аллегри.