Алижонов ва Акрамов "Андижон"да

Бугун эрталаб жамоа Шўрбулоқ даҳасидаги суний майдонда машғулот ўтказди. Эдгар Гесс бошчилигида ўтган машғулотда 30 нафар футболчи иштирок этди. Унда бир қатор янги ўйинчиларни ҳам кўриш мумкин эди.

Хусусан "Нефтчи" таркибида ёрқин ўйинлар намойиш этиб, ишқибозларга яхши таниш бўлган Азиз Алижонов билан Иқбол Акрамов яна "бургутлар" кўригидан ўтиш учун келган. Ёдингизда бўлса керак, мазкур тажрибали футболчилар ўтган йили ёзда ҳам "Андижон" йиғинида иштирок этиб қайтганди. Аммо айрим сабабларга кўра уларнинг иккиси ҳам жамоада қолмаганди.

Бугун жамоа лагерига Ярослав Крушелницкийнинг ҳам келиши кутилмоқда. Ўтган мавсум Малайзия чемпионатида фаолият юритган ушбу футболчи ҳам аслида "Андижон" учун бегона эмас. Боиси 32 ёшли ҳимоячи илгари жамоа сафида фаолият олиб борган.