Ali_Bebeto: "Ўзбекистонга алангали салом!"
26 oct 2016 13:21
News

Ali_Bebeto: "Ўзбекистонга алангали салом!"

Олдинроқ ўзбекистонлик киберфутболчи Муҳаммадамин Турғунбоев ("Ali_Bebeto") FIFA 17 бўйича жаҳон чемпионатида иштирок этиш учун Парижга етиб борганини маълум қилган эдик.

Киберспортчимизни машғулотлардан чалғитмаслик ниятида ундан кичик интервью олишга қарор қилдик.

"Ўзбекистонга алангали салом! Кеча кечки пайт Парижга етиб келдик ва айни дамда нонуштани якунладик.

Бу ерда ҳаво худди баҳордагидек, салқин, аммо совуқ эмас. Бугун бироз маданий ҳордиқ чиқариб, бироз шаҳарни сайр қиламиз. Парижга келиб Эйфель минорасини кўрмасдан кетиш яхши иш бўлмаса керак.

Кайфият ҳақида гапирадиган бўлсам, каяфиятим аъло!

Жаҳон чемпионатидаги илк ўйиним Буюк Британиянинг энг кучли киберфутболчиларидан бирига ("Gorilla") қарши экан. Айни дамда машқ қилиш билан бандман. Шароитлар жуда яхши, ҳар ҳолда бу Париж. Ватанимиз байроғини баландларга кўтариш учун қўлимдан келган барча ишни қиламан" - дея гапларига якун ясади Муҳаммадамин.

Link :

Source : championat.asia

Receive latest football news directly on your phone. Subscribe for our Telegram channel!

Rating: +25