Latest news

13:35Ўзбекистон ва Озарбайжон мезбонлик қиладиган U-20 Жаҳон чемпионати ҳақида нималарни биламиз?  0 13:1018 ёшида Ўзбекистоннинг энг яхши футболчиси бўлган Александр Гейнрих 41 ёшга тўлди  58 12:44Жордан Пикфорд Дэвид Симэннинг АПЛдаги ютуғини такрорлади  0 12:19Каннаваро Тошкентда   16 12:10Манба: Ўзбекистон Каннаварога Хитойга қараганда 8 баравар юқори маош таклиф қилган  16 11:49Келишилган ўйинлар ва ўйинчиларнинг миллионлаб пул тикишлари аниқланди  2 11:23"Реал" ярим ҳимоячисини сотишга тайёр. У Гвардиолага керак  2 10:46Италия футболининг яна бир афсонасининг ўғли А Серияда дебют қилди  1 10:15Sofascore. Захирадан майдонга тушган Файзуллаев ҳужум чизиғидагилар орасида энг катта баҳо олганлар орасида. Шомуродов эса...  11 09:42Акмал Рустамов: "Улар айни вақтда жароҳатдан даволанишмоқда"  0 08:48Отабек Нарзуллаев: "Битта хато - мағлубиятга олиб келди"  0 08:45Лига 1. Ансу Фатининг дубли "Монако"ни мағлубиятдан қутқариб қолди  3 08:20Гвардиола афсонавий Алекс Фергюсоннинг рекордини янгилади  11 07:50Суперлига. "Қизилқум" ўз майдонида "Машъал"ни енгди, "Сўғдиёна" эса меҳмонда "Шўртан"дан устун келди  0 07:41U-20 ЖЧ. Нимчорак финалнинг барча жуфтликлари маълум  4

Алексей Евстафеев: «Бизга кучли ҳаяжон халал берди» News

Алексей Евстафеев: «Бизга кучли ҳаяжон халал берди»

Ўзбекистон U-19 ёшлар терма жамоаси бош мураббийи Алексей Евстафеев Туркманистонга қарши саралашнинг илк ўйинида шогирдлари ҳаяжондан қутила олмаганликларини таъкидлади.
Ўзбекистон U-19 ёшлар терма жамоаси 6 октябрь куни Осиё чемпионати-2014 саралашидаги илк учрашувини ўтказди. Қатар пойтахти Доҳа шаҳридаги «Ал-Араби» стадионида бўлиб ўтган Туркманистон ёшлар терма жамоасига қарши 2-тур учрашувида Евстафеев шогирлари 1:0 ҳисобида ғалаба қозонишди. Учрашувдаги ягона гол 77-дақиқада ҳужумчи Андрей Сидоров ҳисобига ёзилди.

«Ўйинимиз ҳақида тўхталадиган бўлсам, футболчиларимиз бутун ўйин давомида кучли ҳаяжон остида тўп суришди, улар ўйин давомида ушбу ҳаяжондан қутула олишмади. Айнан шу нарса бугун тўлақонли ўйин кўрсатишимизга халал берди», - деди Ўзбекистон ёшлар терма жамоаси бош мураббийи.

Туркманистонлик футболчилар ўйин давомида нисбатан қўпол ўйин кўрсатишди. Уларнинг ҳаракатларидан баъзи ҳолатларда ўзбекистонлик футболчилар жиддий жабр ҳам кўришди. Учрашув якунланиши арафасида эса навбатдаги қоидабузарлик учун Туркманистон ёшлари майдонда бир киши кам бўлиб қолди.

«Бундан ташқари, ўйин давомида икки нафар ҳимоячимизни мажбуран алмаштиришимизга тўғри келди. Ушбу ҳолат ҳам Туркманистонга қарши ўйинда жамоамизнинг ўз ўйинини кўрсатишига қайсидир маънода йўл қўймади», - деди Алексей Евстафеев.

Учрашув давомида Ўзбекистон ёшлар терма жамоаси ташаббусни ўз қўлида сақлаб турди, кўплаб хавфли вазиятларни юзага келтирди. Бироқ Миржамол Қосимов, Азизбек Мамазоитов, Бобур Давлатов ва бошқаларга омад кулиб боқмаган бўлса, ҳужумчилар – Элдор Шомуродов ва Аслиддин Абдиев кўплаб қулай вазиятлардан фойдалана олишмади.

«Мен Туркманистон ёшлар терма жамоасининг хатолари ҳақида тўхталмаган бўлардим. Биз ўйин давомида гол уриш учун кўплаб қулай вазиятларни юзага келтирдик, бироқ улардан фойдалана олмадик – мана бу бизнинг хатоимиз бўлди», - ўзбекистонликлар устози.

«Туркманистон ёшлар терма жамоаси менга чарчагандек эмас, аксинча, Қатардаги шароит, об-ҳаво ва майдонга бизга нисбатан яхшироқ ва кўпроқ мослашгандек кўринди. Биз энди биринчи ўйинни ўтказдик, туркманлар эса бунгача бир марта ўйнаб, ғалаба қозониб бўлишганди. Умуман, биринчи турда Ўзбекистоннинг дам олгани, қайсидир маънода, фойдамизга ишлади. Биз рақибларимизнинг кучли ва кучсиз томонлари ҳақида тасаввурга эга бўлдик ва шундан келиб чиқиб ўз ўйинимизни ташкил этдик», - дея қўшимча қилди Ўзбекистон U-19 ёшлар терма жамоаси бош мураббийи Алексей Евстафеев.

Эслатиб ўтамиз, Ўзбекистон ёшлар терма жамоаси саралаш босқичидаги навбатдаги ўйинни 8 октябрь, сешанба куни Ҳиндистон ёшларига қарши ўтказади. Ўйин Тошкент вақти билан 18:30да бошланади.
Rating:    

Comments

championat.asia
< show latest news
Яндекс.Метрика