Александр Хомяков: "Йигитлар кичкина қаҳрамонлик кўрсатишди"
21 nov 2021 16:35
News

Александр Хомяков: "Йигитлар кичкина қаҳрамонлик кўрсатишди"

Суперлиганинг 25-туридан ўрин олган "Машъал" - "Қизилқум" (2:1) учрашувидан кейин мезбонлар бош мураббийи Александр Хомяков ўз фикрларини билдирди.

"Курашларга бой ўйин бўлди, бизнинг тақдиримиз ҳал бўлиши керак эди. Биринчи таймда асабий ўйнадик, барча нарса режамиз бўйича кетмади, гол ҳам ўтказиб юбордик. Иккинчи таймда йигитлар ўзларини босиб олишди ва ниҳоят ўз майдонимизда иккита гол уришга эришдик. Йигитларга, жамоамизга раҳмат айтаман. Улар кичкина қаҳрамонлик кўрсатишди.

Энди "Металлург" - "Турон" учрашувини кузатамиз ва ўша ўйин натижасига қараб кейинги ўйинга тайёргарлик кўрамиз", - деди Хомяков.

- Оквара Чика кўп вақт захирада қолиб кетди, бугун майдонга тушиб иккита гол урди...
- Унда муаммолар бўлганди. Дарҳол асосий таркибга киритиш нотўғри бўларди, иккинчи таймда бизга таран ҳужумчи керак эди. Кўриб турганингиздек бу натижа берди.