Александр Хомяков: "Руҳият билан боғлиқ тизимли инқироздамиз"
18 aug 22:40
News
![](https://championat.asia/upload/storage/799215_original.jpg)
![](/upload/storage/799215_220.jpg)
Александр Хомяков: "Руҳият билан боғлиқ тизимли инқироздамиз"
Ўйин ҳақида
- Ҳа, бугунги ўйинни бой бердик. Босимларга бой учрашув бўлди. Биз чемпионатдаги кетма-кет ўйинларда очколарни бой бераяпмиз. Бу нимадан далолат беради? Жамоада инқироз бор, ўйин борасидаги инқироз. Бугун 0:2 дан ҳисобни 2:2 кўринишига келтира олдик. Йигитлар курашишди, албатта уларга характер учун миннатдорчилик билдираман. Лекин рақиб ҳам ғалаба учун охиригача курашди, буни ҳам таъкидлаб ўтиш лозим. "Сурхон"ни ғалаба билан табриклайман.
- "Андижон" биринчи даврани яхши ўтказганди. Иккинчи даврадаги натижалар эса қониқарсиз. Буни қандай изохлайсиз?
- Юқорида айтдим, бизда ўйин борасидаги кризис бор, шунақа вазиятдамиз. Нимадир ўхшамаяпти. Бу руҳият билан боғлиқ, тизимли инқирозга тушиб қолдик. Ҳаракат қилаяпмиз, машғулотларда ишлаяпмиз. Лекин кутилганидек натижа бўлмаяпти. Бу вақт билан боғлиқ жараён, олдиндаги ўйинларда ижобий натижаларга эриша оламиз деб ўйлайман.
- Жамоа сўнги 3 та ўйинда 8 та гол ўтказиб юборди. Бунда ҳимоячилар ва дарвозабоннинг айблари борми?
- Бутун жамоанинг айби бор. Жамоанинг ўзида нимадир ўхшамаяпти. Руҳият билан боғлиқ тизимли инқироздамиз. Биз ҳам ғалабаларни истаймиз, натижа учун курашаяпмиз. Бироқ, ҳозир жамоада шунақа муаммо бор. Таҳлил қилиб, камчиликлар устида ишлаймиз.
- Европа клубларида психолог-руҳшунослар ишлайди. Бизда ҳам шу жараённи ташкил қилинса бўлмайдими?
- Мураббий ўзи руҳшунос бўлиши керак. Ҳар бир футболчининг имкониятларини, руҳиятини тўғри баҳолаши лозим. Лекин, яхши таклиф экан, футбол клубларида шунақа иш ўрни ташкил қилинса, менинг фикримча ёмон бўлмасди.
Similar news
![AMP Logo](https://championat.asia/image/logo-amp.png)
Comments
Сен учун берамиз жон...
Сўзда туриш керакда,
Қон чиқариш керакда
Хеч бўлмаса биронта товуқ повуқ сўйворилар, уям жонлиқ
Бу факт утказилган голлардан келиб чикиб хулоса килаяпман
Иккинчи давра эса, футболдаги иккинчи тайм кабидир. Иккинчи таймда кучли жамоа ғалаба қозонади.
Гап эгасини топади.